Yawuupullulla 17:1 - Mawu a Mulluku

¹ Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

Yawuupullulla 17:1 ပူးပေါင်းရင်းမြစ်များ

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yeremiya 51:13

Nyu mookhalla ni mihinje ddinchichi nave mookhalla ni eyuuma koma enthawi yohuumallellani, okumaanyu woomalla.

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

Yawuupullulla 21:9

Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanaankhosa.”

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Yawuupullulla 15:1

Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yesaya 57:3

Waani wuno nyu athu oochimwa vawi muri wonanko edduullu dda amasenga, ooraruwa ni oohule.

Yawuupullulla 21:15

Mungelo allotille ni miyaanoolle aakhalla ni mulingo wagolide wi alingelle muzindooyo, millako ddiwa ni esiriiweeyo.

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Luka 24:32

Yaallota muthu ni mukhwaaye, “Naahakallalla alloteeye neetaka m'musewuni mulle anilleellaka dda mawu a Mulluku.”

Luka 9:30

Nave enthawi yeeyo athu eelli yaawa enallota ni olliyooyo. Athu yaalla yaari ayo yakhwille khalle, Mose ni Eliya.

Ezekiele 31:4

Maaddi sika yawuunnuwiha nave aneetuutu sika yawurekamiha. Mihinje ddaaneeta moowaapheella mvo waariiwa nave engalande ddiwa ddaanaphiya o orive muteekho mwiillaponimmo.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yawuupullulla 18:1

Ddimallille ddenndda kahoonattho masomphenya a mungelo mmodda akitthaka ovenyera oddullu. Aakhalla ni olamulello wuullupalli nave ntitimiho naye naari nuullupalli vawi naanamolleella ellapo yavatthi ettheene.

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”