Yawuupullulla 16:4 - Mawu a Mulluku

⁴ Mungelo aneeraru aahella embalaaye vamihinjeni ni va aneetuutu nave yaatthattuwattho nikhame.

Yawuupullulla 16:4 ပူးပေါင်းရင်းမြစ်များ

Yawuupullulla 16:5

Nave kaamwiiwa mungelo oolamulella maaddi allotaka wi, “Echiweruzo mweenreenyu tti yawoona, Aweella nyu, nyuwaano murivo ollello nave mwaarivo khalle!

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Eksodo 8:5

Apwiya yaamulleellattho Mose wi, “Mulleelle Aroni wi, ‘Tthoonyiha ekopwaawo omihinjeni, omitthipiddani ni omatokwini wi anaphullu ekhume va ellapo ettheene ya Iguputo.’ ”

Ezekiele 35:8

Kineeroddalliha ni mitembo miyaango ddanyu. Vano awiiphiwa okhotoni enaakhalle millumillu m'miyaangoni, m'mataponi ni m'mihinjeni mwanyu.

Masalimo 78:44

Mulluku aatthattusa maaddi a m'mihinjeni ddiwa wi ekhalle nikhame, wawi kheyaawonre owirya maaddaayo.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.