Yawuupullulla 16:2 - Mawu a Mulluku

² Mungelo awaamba aaya ahella embalaaye va ellapo yavatthi. Makhwata oohoosa ni oovoreya yaakhuma vamiillini va athu attheene ayo yaakhenlle echidindo ya enama yuullupalli yawoopiha ni va ayo yallapenlle nifano niwa.

Yawuupullulla 16:2 ပူးပေါင်းရင်းမြစ်များ

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

Yawuupullulla 16:11

Nave yaamullotella epewe Mulluku Muullupalli ekaamba ya ovoreya wa makhwataayo. Koma kheyaahiyalle weera machimwiiwa.

Deuteronomo 28:27

Apwiya eneerewuullakani ni etthuku wonanko dda o Iguputo. Muneerokhalla ni makhwata, ovelle ni oneena, ddittheddenenndda ddoohiiwa murete.

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Yesaya 3:17

Ekaamba ya yeella, mi Apwiya kineerochema mipala miru dda athu a o Ziyoni, meehiiwa mattheene.”

2 Epilli 21:18

Vatulli viwa Apwiya yaammorihella ereta ya m'mirimani yoohichiriheya.

2 Epilli 21:15

Nave oneerovoriiwa ereta yawoopiha ya m'mirimani ophiyera marupwaawo eneerokhumella otte.’ ”

1 Samuele 5:9

Koma ephiyallena o Gati, Apwiya yahaallaka, yahaahoosa mwawoopiha athu a m'muzindanimmo, anamwani ni attekweeneene vawi athu attheenaayo etthuku ddahaakhuma mwiilli muttheene.

1 Samuele 5:6

Vano Apwiya yahaallaka athu a o Ashidodi mwawoopiha. Alliwa ni athu a ellapo ddawaatamanana yahaallaka ni etthuku.

Deuteronomo 7:15

Nave Apwiya eneerewuutetezani o erive ereta. Alliwa kheyaakhullella wi ereta ddawoopiha dda o Iguputo munaddidduwelleenyunndde dduumorelleni koma anaaddimorihelle va adanaanyu attheene.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.

Masalimo 78:26

Aayoopiha ephevo ya wookhuma nndduwa, awiiha ephevo ya omwera ni masivaaye.

Yawuupullulla 14:16

Vano akeraatthille vamuraponooyo ahaamba mutteko ni echikwakwaaye, aatulla ddoohata dda va ellapo yavatthi.

Deuteronomo 28:35

Apwiya eneerewuullakani ni ddawiipa ddoovoreya ni ddoohichiriheya m'metoni mutthemwene nave etthuku ddineerewuukhumani mwiilli muttheene ovenyera ometoni ophiyera omuruni.

Yawuupullulla 13:12

Yaaphariha mutteko olamulello muullupalli yavahiwiiwa ni enama yuullupalli yawoopiha yawaambeelle. Yaawatihera ellapo yavatthi ettheene vamodda ni athu attheene ookhalla mwemmo wi ellapelle enama yuullupalli yawoopiha yawaamba, nikhwata niwa nookhwana navonllenne.

Yawuupullulla 14:9

Mungelo aneeraru ahaathwara akhwaaye eellaalle allotaka ni mawu oowella wi, “Oyo anallapella enama yuullupalli yawoopiha vamodda ni nifano naye, aakhella echidindwaaye va eyuuchi vaye apaalle va nnatta vaye

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”