Yawuupullulla 15:6 - Mawu a Mulluku

⁶ Nave angelo atthanu ni eelli ayo yaari ni millilli mitthanu ni miilli yaakhuma mu enyumba ya Mullukummo, ewanre ekuwo ddaweellesesa, emakenlle mikhwamba dda golide va ekhakadda ddiwa.

Yawuupullulla 15:6 ပူးပေါင်းရင်းမြစ်များ

Yawuupullulla 1:13

nave variyari va ddoohiyavo enyalinnddo vahiimella awooneya wonanko Mwaana a Muthu, awanre mukanjo woophiya m'manyalloni mwaye navettho amakenlle mukhwamba wa golide va ekhakaddaaye.

Yawuupullulla 15:1

Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yawuupullulla 14:15

Nave mungelo mmodda aakhuma ovenyera mu enyumba ya Mulluku yooddullu nave anakhuwa akeraatthille vamuraponoolle ni mawu oowella awi, “Kusa echikwakwaaweeyo waambe otulla ddoohata kaambiiwa enthawi yookwakhwana nave ddoohata dda va ellapo yavatthi ddohimma!”

Luka 24:4

Yahiimella ekhwille mullakallaka ni yeella nave moorurumusa allopwana eelli ewanre ddaweellesesa yahiimella vakhuviru ni alliwaayo.

Daniele 10:5

Kitukhullalle miittho, kaamoona muthu awanre ddabafuta ni laamba a golide a o Ufazi muyuununi mwaye.

Yawuupullulla 14:17

Nave kaamoonattho mungelo mmodda akhumaka mu enyumba ya Mulluku yooddullu, nayeenettho aakhalla ni echikwakwaaye yawiisha.

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)