Yawuupullulla 15:5 - Mawu a Mulluku

⁵ Ddimallille ddenndda kahoonattho masomphenya a enyumba ya Mulluku yooddullu nave musasa woomboni ohulliwe.

Yawuupullulla 15:5 ပူးပေါင်းရင်းမြစ်များ

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Numeri 1:50

Koma waakuse Alevaayo wi epwatheke musasa wamutthukumano wa omboni, ezipangizo ddiwa ni ddittheddene ddiri mwemmo. Ewutukhulleke musasooyo ni ezipangizo ddiwa nave ewupwatheke. Misasa ddiwa edditthipelleke moowaapheella musasa wamutthukumanooyo.

Mateyu 27:51

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Eksodo 38:21

Ella sika echiwerengero ya golide, siliva ni mukuwa nnddo yaddipharihiiwa mutteko voopangani musasa wamutthukumano moollikana ni mmo Mose alamulalleeye. Alevi sika yaari ni odindo wooddeerenga nave aahoollella tti Itamara, mwaana a Aroni mullupa mukutho.

Eksodo 25:21

Munibokosinimmo ahiyemo malluku meelli oolembiwa malamulo a echipangano ayo kinaamuvaheemi. Vano anikhuneelle nibokosinno ni yookhuneelleeyo.

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

Yawuupullulla 13:6

Yahaamba omullotella epewe Mulluku, nnddina naye, onipuroni anakhalleeye ni ayo enakhalla oddullu.