Yawuupullulla 15:3 - Mawu a Mulluku

³ nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yawuupullulla 15:3 ပူးပေါင်းရင်းမြစ်များ

Masalimo 111:2

Mitteko dda Apwiya tti dduullupalli, attheene oohakallallana ennaddiganizera.

Masalimo 139:14

Nyu awoopiha ni oottikhiniha, kinnuutitimihani, munnakidduwellesesa phaama, mitteko ddanyu tti ddoottikhiniha, murimaaka onnayidduwella yeella.

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Aheberi 3:5

Mose aari oororomelleya va muttekwaaye mu enyumba ettheene ya Mulluku wonanko oorumeyella nave allotille dda ddeko nnddo Mulluku aneereeye allote muhoollo.

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Deuteronomo 31:30

Vano Mose aahuddiha nchipo nittheenenna vamiitthoni va Aisraele attheene ovenyera vawaamba ophiyera omamallihello.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 11:17

ellota wi, “Apwiya Mulluku Amasiva Mattheene, nyuwaano muriwo ollello nave mwaariwo khalle! Ninnuuthokozani ekaamba yowooniha masivaanyu muullupalli nave mohaamba olamulella!

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Masalimo 145:6

Athu eneerollota dda masiva a mitteko ddanyu ddawoopiha, miyaanottho kineerollalleya dda ottekweenaanyu.

Masalimo 99:4

Nyu mwene amasiva, ookonda echilungamo, mookeraatthiha ddoollikana, weeruza woolungama mwa Yakobo.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Masalimo 105:5

Muupuwelleke mitteko ddoottikhiniha ni ezizindikiro ddiwa, mmo yaweeruzelliiwa athu,

Masalimo 78:12

Mulluku aheera ddoottikhiniha ddaye makhollwiiwa yoonaka, mu ellapo ya Iguputo, o echigawo ya Zowani.

Yobu 5:9

Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

2 Epilli 24:6

Vano mwene aamwiithana Yehoyada amukoha wi, “Ethiyo kaambiiwa tini wahaalleelleewe Alevi wi etotelle makobiri ovenyera o Yuda ni Yerusalemu ayo alamulalle Mose oorumeyella a Apwiya o mpingo wa Aisraele oopotokosella musasa wa mutthukumano?”

1 Epilli 6:49

Koma Aroni ni edduullu ddaye ddaanavelleella mikutho va nikuwa na mukutho wooshellelliha ni nawoosellavo lubani.* Alliwa sika yeera ddittheddene ddoopaalleya va nipuro naweellesesa ni weera mutetho woopepesella machimo a Aisraele. Yaaneera ddiidda moollikana ni ddittheddene Mose oorumeyella a Mulluku aalamulalleeye.

Yawuupullulla 14:8

Mungelo aneepiilli aamuthwara awaamboolle allota wi, “Ookumuwa! Babiloni oovuwa ookumuwa! Olle aweerihalle athu attheene wi emuwirye vinywaaye oolezeliha ni a makhallello ooraruwa!”

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Nehemiya 9:14

Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Deuteronomo 34:5

Sika Mose, oorumeyella a Apwiya, aakhwa wenko mu ellapo ya Mowabu moollikana ni mmo Apwiya yallotelliiwa.

Deuteronomo 32:3

Kineerollalleya nnddina na Apwiya. Llotani wi Mullukwaahu tti muullupalli!”

Yoswa 22:5

Mupwatheke phaama wiiwellella malamulo ni malangizo ayo Mose oorumeyella a Apwiya uuvahilleeyeni, waakonda Apwiya Mullukwaanyu ni weeta mu ettilla ddittheddene ni osunga malamulwiiwa ni waawanddeellella alliwa nave mwaarumeyelleke ni murimaanyu muttheene ni okumaanyu muttheene.”

Yobu 36:24

Upuwellaka oriiha mitteko ddaye, nnddo athu enaddiipelliiwa machipo.

Masalimo 18:30

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Masalimo 92:5

Nyu Apwiya, mitteko ddanyu khe wunnuwa wiwa! Maganizwaanyu khe owallamella wiwa!

Masalimo 111:7

Mitteko dda mattiiwa tti ddawoona ni ddoolungama, Malamulwiiwa mattheene tti oororomelleya.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.