Yawuupullulla 15:1 - Mawu a Mulluku

¹ Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yawuupullulla 15:1 ပူးပေါင်းရင်းမြစ်များ

Levitiko 26:21

“Vano mwavirellella oovaanyihana ni miyaano woohikiiwellella, kineerowaana millilli ddimodda va nyuwaano waanjerera otthanu ni opiilli ekaamba ya machimwaanyu.

Yawuupullulla 21:9

Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanaankhosa.”

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”

Yawuupullulla 14:19

Sika mungelooyo ahaamba ophadda ni echikwakwa mpesa wa mu emata ya va ellapo yavatthi nave awuvokhella mu yoovotella ya osha murima wawoopiha wa Mulluku.

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Daniele 6:27

Olliye annavullusa ni waakiha anneera ezizindikiro ni ddoottikhiniha muddullu ni vatthimva, olliye sika amuvullusalle Daniele o masiva a mikango.”

Yawuupullulla 11:14

Otulli waneepiilli woomalla, vano otulli waneeraru oneeroowa naanweene vaava!

Yawuupullulla 10:3

Nave aakhuwa ni mawu oowella ayo yiiweyille wonanko winlla wa mikango. Akhuwalle ddiiddo ogugudeya wa murimu waanyakulla otthanu ni opiilli.

Yawuupullulla 8:6

Nave angelo alle yaari ni mapallapata matthanu ni meelli yaakhozekella wi yoope.

Yawuupullulla 8:13

Vano kaaweha nave kahiiwa mawu oollotiwa moowella ni epallame ya mpungu eyo yavava muddullu wi, “Otulli! Otulli! Ootulli tti athu attheene enakhalla va ellapo yavatthi vawi angelo araru ehanllaalle eri vakhuviru woopa mapallapatiiwa!”

Yawuupullulla 8:2

Nave kaawoona angelo atthanu ni eelli ayo yiimenlle vamiitthoni va Mulluku nave yaavahiwa mapallapata matthanu ni meelli.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.