Yawuupullulla 14:4 - Mawu a Mulluku

⁴ Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Yawuupullulla 14:4 ပူးပေါင်းရင်းမြစ်များ

Yawuupullulla 3:4

Koma athu ooyeva a nyuwaano o Sardenko khamwaaripihalle ddoowara ddanyu ni machimo. Muneereweeta ni miyaano, muwanre ddaweella kaambiiwa munnaphwanella weera ddennddo.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Masalimo 74:2

Wuupuwelleni athwaanyu ayo mwaapatulalleenyu ovenyera khalle, mutundu oyo mwawooponlleenyu wi okhalle yoohallanaanyu. Upuwellani mwaango wa Ziyoni nko mwakhanllekeenyuwo.

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yeremiya 2:3

We Israele waari oopatuliwa a Apwiya, waari wonanko echipaswaaye yawaamba wiithwa. Kaarumiha ddoovoreya ni ddookatamiha ddinchichi va attheene ayo yuuhoosille otulli waanaamorella. Mi Apwiya koollota.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Aefeso 1:14

Munepa yoolla tti echikole ya madaliso ayo Mulluku aanilonjezilleeye wi nineerovullusiwa. Ottekweenaaye otitimihiwe!

1 Akorinto 16:15

Munnadduwella dda Stefanasi ni nibanja naye wi yaari ookhulupilila awaamba mu Akaiya wi yahiivelleella weekhiiwa waarumeyella athu a Mulluku. Asinnaka ni arokoraka, kinimuuvekani

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Yohane 13:37

Petro aallota wi, “Apwiya, ngiwora wuuthwarani nyuwaano vano kaambiiwa tini? Miyaano kinnapaalla okhwa ekaamba ya nyuwaano.”

Mateyu 25:1

“Va enthawi yeeyo omwene wa Mulluku onaakhalle wonanko ddiidda: Waakhalla anamwalli khumi ayo yakusalle enyali ddiwa dda makhura eya wookumana ni ootthella.

Mateyu 8:19

Muhuddihi a malamulo* aawa wa olliye. Aallota wi, “Ahuddihi, miyaano kineerewuuthwarani orive weko munayeenyu.”

Nchipo na Solomoni 1:3

Makhuraawo awiihella ennunkhellesesa. Nnddina nawo tti makhura awunkhella oomimina, sika ekaambiiwa anamwalli enuukondelliiwa.

1 Timoteo 4:3

Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

1 Akorinto 7:28

Koma watthella khe ochimwa nave namwalli atthelliwa khe ochimwa. Koma kapaalla wi muhoone ddoohoosa ddinakhalla ni athu ayo eri vanibanjani.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Nchipo na Solomoni 6:8

Va awaramwene uullupalli 60 nave awariye ang'onong'ono 80 navettho anamwalli ooheerengeya,

Masalimo 45:14

Enamuyaana wa mwene awanre ddoowara ddamalluwa ni anamwalli akhwaaye oomuvelleella.

Mateyu 19:12

Vawi vookhalla ddeko ddoohiyanahiyana ddinaweeriha athu ohitthella. Amodda kaambiiwa yaayariwe ddiiddo; amodda, tti kaambiiwa athu yahaahulla; nave amodda khenatthella kaambiiwa enapaalla emullapelleke phaama Mulluku. Yooyo anawora wiiwesesa ehuddihweella, iwesese.”

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.

Yawuupullulla 21:22

Ngaawoonille enyumba ya Mulluku m'muzindanimmo kaambiiwa Apwiya Mulluku Amasiva Mattheene ni Mwaanaankhosa sika enyumbeeyo.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.