Yawuupullulla 14:1 - Mawu a Mulluku

¹ Kaaweha nave kaamoona mwaanaankhosa iimenlle va mwaango wa Ziyoni. Aari vamodda ni athu 144,000 ayo eri ni nnddina naye ni nnddina na Attiitthinnya, ddilembiwe va eyuuchi ddiwa.

Yawuupullulla 14:1 ပူးပေါင်းရင်းမြစ်များ

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Yawuupullulla 3:12

Athu enaapambanaayo kineeroweeriha wi ekhalle apoto a mu enyumba ya Mullukwaaka nave khevenyamo. Kineerolemba va alliwaayo nnddina na Mullukwaaka ni nnddina na muzinda wa Mullukwaaka, Yerusalemu anaanweene, oyo anawa akitthe vatthi ovenyera oddullu wa Mullukwaaka. Kineerolembattho va alliwaayo nnddina naka nanaanweene.

Luka 12:8

“Kinimuulleellani nyuwaano, muthu anaakhullella wi tti aaka vamiitthoni va athu, miyaanottho Mwaana a Muthu, kineeromwaakhullella vamiitthoni va angelo a Mulluku.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Aroma 9:33

nno mawu a Mulluku enallota dda nenno wi, “Kinnakeraatthiha nlluku mu Ziyoni nno ninaakwakwatuwihe athu, nlluku nno ninaakuhe. Koma oyo anamuroromella olliye khawa awullihiwa muru.”

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Yawuupullulla 14:14

Kaaweha nave kahoona murapo waweella, vamuraponimvo vakeraatthille mmodda awooneya wonanko mwaana a muthu amuwanre korona* a golide omuruni waye wonanko mwene nave aphareelle echikwakwa yawiisha m'mattani mwaye.

Yawuupullulla 15:5

Ddimallille ddenndda kahoonattho masomphenya a enyumba ya Mulluku yooddullu nave musasa woomboni ohulliwe.

Yesaya 49:14

Koma athu a o Ziyoni yaallota wi, “Apwiya aanihiya, Apwiya aanitiwalla hiyaano.”

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Zekariya 4:2

Aakikoha wi, “Onoona tini?” Nave kahaakhulla wi, “Kinoona yoohiyavo enyali, ettheene yagolide ni embale vaddullu viwa. Eri ni enyali dditthanu ni piilli, erive enyali yoophovolliwa otthanu ni opiilli moovollochihamo matthupu.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Daniele 12:5

Vano miyaano Daniele kitukhullalle miittho kaawoona eelli mmodda ekhopella yawuno ya muhinje, mmodda ekhopella emoddeeyo.

Ezekiele 44:4

Vatulli viwa muthooyo aakiweelliha va mullako wa ompoto owiitthoni wa enyumba ya Apwiya. Wenko kaanoona ntitimiho na Apwiya niddanlle mu enyumbeeyo sika kahiivokhella vatthi moopopheya ekhove.

Ezekiele 10:1

Kiwehille eddullu va miru dda akerubi* kahoona ello yookhalla wonanko mpando woomwene woopangiwa ni nlluku nasafiro.

Ezekiele 8:7

Vatulli viwa aakikusella o mullako woovollowella o nthato na enyumba ya Mulluku. Kiwehille kahoona mulliha va esiri.

Ezekiele 2:9

Vano voowehani kahoona nnatta noottaphurusa niphareelle nibukhu.

Ezekiele 1:4

Kiwehaka kahoona ephevo yawoopiha evenyeraka ompoto. Vaakhalla murapo muullupalli woowala mukhwipi mwiwa nave munllo okhumaka ovenyera m'muraponimmo. Variyari va munllooyo vaanooneya wonanko mukoko woonyezimella.

Yeremiya 1:11

Apwiya yaakikoha wi, “We Yeremiya, ethiyo onoona tini?” Kahaakhulla wi, “Kinoona muteekho wa alimondi.”

Ezekiele 10:9

Vatulli viwa kahoona magudumu masese vakhwipi va akerubi. Vakhwipi va arive kerubi vaakhalla nigudumu nimodda. Magudumwaayo yaanawala wonanko malluku Akrizoliti.

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Yawuupullulla 22:4

Eneerewoona ekhovaaye nave nnddina naye nineerolembiwa va eyuuchi ddiwa.