Yawuupullulla 13:8 - Mawu a Mulluku

⁸ Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 13:8 ပူးပေါင်းရင်းမြစ်များ

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yawuupullulla 5:12

Nave yaaniipa ni mawu oowella wi, “Mwaanaankhosa iiphiwooyo sika anaphwanella waakhella masiva, eyuuma, ezeru ni ollipa, oriiheya, ntitimiho ni othokoza!”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Luka 10:20

Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.”

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Eksodo 32:32

Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”

Yesaya 4:3

Vano oohalla o Ziyoni, ootthoolliwa ni Mulluku wi ekhalle ni okumi o Yerusalemu, eneeroromolliwa oopatuleya.

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

Yawuupullulla 12:15

Nave enowa yuullupalleeyo yaamuttaphera mutthiyanooyo maaddi wonanko muhinje wooddalla wi emukuse.

Genesis 22:7

Vano Isaki aawiithana attiitthinnya wi, “Attiitthi.” Abrahamu ahaakhulla wi, “Ee, mwanaka.” Isaki aakoha wi, “Munllo ni ekhuni kinnaddoona, ddookhallavo koma mwaanaankhosa awoosella mukuthooyo ari wuuwi?”

Masalimo 69:28

Mwaavenyihemo mu nibukhu na akumi, ehilembiwe nimodda ni athwaanyu.

Yawuupullulla 5:13

Nave kahiiwa erive yoophatusiwa ya oddullu, ellapo yavatthi, vatthi va ellapo ni ya m'maaddini yiipaka. Sika ddookumi ddittheddene ddaaniipa wi, “Wa olliye anakeraatthi vampandoni woomwene ni wa mwaanaankhosa, okhalle ntitimiho ni oriiheya, owaaka masiva wa enthawi ddoohimalla!”

Yawuupullulla 6:1

Nave kaamoona mwaanaankhosa amarullaka emodda ya ddoomarella dditthanu ni piillinndde navettho kahiiwa emodda ya ddoophatusiwa ddookumi ddisese ellotaka ni mawu oowella wonanko ogugudeya wa murimu wi, “Ngawa!”

Yawuupullulla 13:12

Yaaphariha mutteko olamulello muullupalli yavahiwiiwa ni enama yuullupalli yawoopiha yawaambeelle. Yaawatihera ellapo yavatthi ettheene vamodda ni athu attheene ookhalla mwemmo wi ellapelle enama yuullupalli yawoopiha yawaamba, nikhwata niwa nookhwana navonllenne.