Yawuupullulla 13:4 - Mawu a Mulluku

⁴ Arive muthu aallapella enowa yuullupalleeyo kaambiiwa yaavelleella olamulellwiiwa wa enama yuullupalli yawoopiha. Yaallapellattho enameeyo ellota wi, “Ttaani ari wonanko enama yuullupalli yawoopiheella? Ttaani anaawore owanana?”

Yawuupullulla 13:4 ပူးပေါင်းရင်းမြစ်များ

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Yawuupullulla 18:18

Nave yaakhuwa vawoonani mwiisi okhumaka ovenyera vamunlloni washelliha muzindooyo wi, “Khuwaavo muzinda oyo waphwanaphwanne ni muzinda woovuwoolla!”

Yawuupullulla 13:15

Enama yuullupalli yawoopiha yaneepiilleella yahaakhullelliwa oviddeellella okumi mwa nifano na enama yuullupalli yawoopiha yawaambeelle wi nifanonno nilloteke ni owiipha athu attheene ayo ehinamullapella.

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

1 Samuele 17:24

Aisraele emonne muthooyo yaathawa kaambiiwa yaanamoova wunchichi.

Deuteronomo 9:2

Athwiine tti amasiva navettho oorekama, edduullu dda Anaki munaadduwelleenywaalle. Vawi mwahiiwa ddillotiwaka wi, ‘Ethiyo ttaani anaawore ollipana ni edduullu dda Anaki?’

Yesaya 46:5

Ethiyo mi ttuukiphwanaphwanihella ni aani, apaalle ttuukaatamanihella ni aani? Ethiyo ttuukillikanihella ni aani wi miyaano ni olliyooyo nikhalle oollikana?

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

Yawuupullulla 13:11

Nave kahoona enama emodda yuullupalli yawoopiha ekhumaka mu ellapo yavatthi. Yaakhalla ni manyaka meelli wonanko mwaanaankhosa koma yaanallota wonanko enowa yuullupalli.