Yawuupullulla 13:2 - Mawu a Mulluku

² Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Yawuupullulla 13:2 ပူးပေါင်းရင်းမြစ်များ

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

Yawuupullulla 17:12

“Manyaka khumi woonilleewaayo sika mamwene khumi ayo ehinaambe olamulella nave eneerewaakhella olamulello wi elamulelle wa enthawi yooyeva vamodda ni enama yuullupalli yawoopiheeyo.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Yawuupullulla 13:4

Arive muthu aallapella enowa yuullupalleeyo kaambiiwa yaavelleella olamulellwiiwa wa enama yuullupalli yawoopiha. Yaallapellattho enameeyo ellota wi, “Ttaani ari wonanko enama yuullupalli yawoopiheella? Ttaani anaawore owanana?”

Yawuupullulla 12:15

Nave enowa yuullupalleeyo yaamuttaphera mutthiyanooyo maaddi wonanko muhinje wooddalla wi emukuse.

Yawuupullulla 12:13

Enowa yuullupalleeyo yoonilliiwa wi yoovokhelliwa va ellapo yavatthi, yahaamba omuthwara mutthiyana amuyanre mwaana aamullopwanoolle.

Yawuupullulla 16:10

Nave mungelo aneetthanu aahella embalaaye o mpando woomwene wa enama yuullupalli yawoopiha. Vano epiphi yaawa virive veko vaphiyalle omwenaaye. Nave athu yaaniilluma mallumiiwa ekaamba ya ovoreya yiiweewanko.

Amosi 5:19

Onaakhalle wonanko muthu anathawa mukango nave akumana ni echimbalangondo apaalle wonanko muthu avollowille mpa ahameella esiri ni nnatta naye nave allumiwa enowa.

Yeremiya 13:23

Ethiyo Mkushi ttuusintha mooneyello a mwiillaaye apaalle nanthavi mankhaangaaye? Sika wi nyu ooddollweella ochimwanyu ttuuwora mwawiidde weera ddaphaama?

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yesaya 5:29

Okhuwa wiwa tti wonanko othuruma wa mikango apaalle misote nnddo ddininlla mwawoopiha voopharani enama nave ddinarowana oohikhallavo naari mmodda awaakihera.

Miyambo 28:15

Wonanko mukango woothuruma ni echimbalangondo enapaalla ophara enama emoddamoddave yeeyo mwene oonanara annaalamulella oohoowa.

Miyambo 17:12

Tti waphaama okumana ni echimbalangondo yaakhiwe musaaniiwa okhwaranya ni muthu ookarangeya aneera ddoolloddowa.

Masalimo 22:21

Kivulluseni muwano mwa mukango, akiherani okumaaka omanyakani a enari.

2 Mamwene 2:24

Vano Elisha aarukunuwa nave awoonille asombwaayo, ahaatembelela mu nnddina na Apwiya. Nave vaakhumellella ezimbalangondo piilli ddeetthiyana ovenyera ohakani ddiwiipha asombwe 42.

Habakuku 1:8

Akavalwiiwa tti oothamaka okhwaranya ananthavi, awoopiha okhwaranya mimbulu mu echipululu. Oowella va akavalo ennathamaka ovenyera wuuteete, ennaakuva ni okhwatthulla wonanko mpungu onaphara enama.

Amosi 3:12

Apwiya enallota wi, “Mmo anavullusella mbusa, meto miilli apaalle naaru dda enkhosa, emoddamoddave yeeyo athu a o Israele ayo enakhalla o Samariya enaavullusiwe ehakallallakave ni eyuumiiwa.”

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 13:12

Yaaphariha mutteko olamulello muullupalli yavahiwiiwa ni enama yuullupalli yawoopiha yawaambeelle. Yaawatihera ellapo yavatthi ettheene vamodda ni athu attheene ookhalla mwemmo wi ellapelle enama yuullupalli yawoopiha yawaamba, nikhwata niwa nookhwana navonllenne.