Yawuupullulla 12:9 - Mawu a Mulluku

⁹ Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Yawuupullulla 12:9 ပူးပေါင်းရင်းမြစ်များ

Luka 10:18

Vano Yesu ahaalleella wi, “Kaamoona Satana amoraka wonanko ettari ovenyera oddullu.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

Yawuupullulla 20:10

Vano Satana, aallekilloolle, aavokhelliwa mu enyanja ya munllo ni sulufure, nko enama yuullupalli yawoopiha vamodda ni namallotella awoottha yavokhelliweewawo khalle nave eneerollakiwawo wa enthawi yoohimalla.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yesaya 14:12

“We thanda, mwaana a ohinase, ngoona mmo omorelleewe ovenyera oddullu. We olle agonjiha mitundu dda athu, wohuuhelliwa vatthi.

Genesis 3:1

Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”

Yawuupullulla 12:7

Nave oddullu waakhalla ekhoto eyo Mikaele vamodda ni angelwaaye yawaniiwa ni enowa yuullupalli vamodda ni angelwiiwattho.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Yesaya 65:25

Mumbulu ni mwaanaankhosa eneerekochella vamodda nave mukango oneerekocha munyepu wonanko eng'ombe navettho nthupi sika ninaakhalle yoocha ya enowa. Va mwaangwaaka waweella wa Ziyoni khaviwa vikhalla ello yoovoreya apaalle yawoononga.”

Yawuupullulla 20:8

Nave aneerokhuma wi aalleke athu attheene a va ellapo yavatthi, yaalla sika Gogi ni Magogi. Satana aneerewaatthukumaniha vamodda wi ewane ekhoto, waata wiwa wonanko mihava dda mukhwipi mwa enyanja.

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Yawuupullulla 9:1

Nave mungelo aneetthanu ahoopa nipallapata naye. Kahoona etheneeri eyo yamorelle va ellapo yavatthi nave yaavahiwa makiiyi oohullella o nlliti noowallamellesesa.*

Yawuupullulla 2:24

“Koma wa athu amodda o Tiyatira ayo ehinathwara ehuddiho yoonanareella nave ayo yahihuddenre nnddo amodda enaddiromolliiwa wi ‘ddeko ddoovittheya ddoovenyera wa Satana.’ Kinimuulleellani wi nguullemellihani ni malamulo mamodda.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

2 Akorinto 11:14

Khaddihiyo ddoottikhiniha vawi naari Satana annaddeera wi ooneyeke wonanko mungelo oomoolleella!

2 Akorinto 2:11

Neereke nndda wi Satana ahiphwanyellevo ekari vawi ninnadduwella misampha ddaye.

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Luka 22:31

“Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Luka 22:3

Satana aavollowa mwa Yudasi, ooromolliwattho Isikariyoti, oyo aari mmodda a oohuddera khumi ni eelli.

Luka 8:12

Mmiddo wamorenlle muttillooyo onaphwanaphwana ni athu ayo yiiwalle mawu a Mulluku. Koma Satana annawa awaakha m'murimani mwiwa mawu a Mullukwaayo wi ehikhulupilile navettho ehivullusiwe.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mateyu 4:8

Vano Satana aamukusella Yesu vamwaangoni woorekamesesa navettho aamooniha moomwene mattheene a va ellapo yavatthi ni ntitimiho niwa,

Mateyu 4:5

Vano Satana aamukusella Yesu o muzinda waweella, Yerusalemu. Aamwiimesa otthoka va enyumba ya Mulluku,

Mateyu 4:1

Vano Munepa Waweella waamukusa Yesu oya muchipululuni wi eesiwe ni Satana.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Genesis 3:13

Vano Apwiya yaamukoha mutthiyana wi, “Ethiyo weyaano, ella weerilleewe tti tini?” Mutthiyana ahaakhulla wi, “Enowa sika yakillekille wi kiche.”

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Yawuupullulla 16:14

Ddenndda sika minepa ddoonanara ddineera ddoottikhiniha. Minepa ddirarunndda ddinnakhuma ddiya wa mamwene attheene a va ellapo yavatthi, yaatthukumaniha vamodda wi ewane ekhoto ni Mulluku Amasiva Mattheene va nllapo naye nuullupalli.

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Yuda 1:9

Koma naari Mikaele, muullupalli a angelo, ahoova omwiipa mullatu Satana voomullotellani epewe. Nave akanganeeye ni Satana voovaanyihana dda mutembo wa Mose wi ttaani aphwanenlle owuukusa koma aallotille wi, “Apwiya yuullake.”

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

1 Timoteo 2:14

Khahiyo Adamu aallekiwe koma mutthiyana sika aallekiwe akhalla oochimwa.

2 Atesalonika 2:3

Muhaakhullelle wi muthu mmodda awoottottheni mu erive ettilla. Vawi nllapo nenno nihinaphiye, onaakhalle omuwukila Mulluku navettho muthu Oonanaroolle aneerewuupulluwa, oyo anoonongiwe.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Yohane 16:11

Alliwaayo tti oolakwa va dda echiweruzo kaambiiwa oolamulella a va ellapo yavattheella oheeruziwa khalle.

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

Luka 13:16

Nave ollattho nayeene tti edduullu ya Abrahamu oyo amakiwe ni Satana wa miyakha 18. Vano ahittaphulliwe va nllapo na Sabata?”

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mateyu 13:39

Nave mudani amumiddalle nansongoloolle tti Satana. Ohata sika omalla wa ellapo yavatthimva nave athu oohata sika angelo.

1 Epilli 21:1

Vano Satana aapaalla waahoosa Aisraele, aamulleka Davide wi aweerenge Aisraele.

Yawuupullulla 18:2

Aakhuwa ni mawu oowella nave allota wi, “Ookumuwa! Babiloni oovuwa ookumuwa! Vano ootthattuwa nipuro nookhallamo minepa ddoonanara, enama ddawoopiha ddoonanara ddittheddene ni epallame ddoonanara.

Ezekiele 28:16

Vooviheeriwani ni malonda, wahaamba ekhoto ni ochimwa. Sika ekaambiiwa kuuvenyihalleemi omwaangwaaka woopatuleya. Mungelo oyo uuwehera aawiikariha ovenyera o malluku amunllwaalle.

Yawuupullulla 18:23

Khamuwattho mooneya okhara wa enyali mwa weyaano, khamuwa mwiiweya mawu a ootthella ni ootthelliwa mwa weyaano. Allupa malondaawo yaari amasiva va ellapo yavatthi ettheene koma wahaalleka athu attheene a va ellapo yavatthi ni masengaawo!”

Masalimo 109:6

Mutthoolleni muthu oonanara wi amuvaanyihe ookiwukilooyo, mmodda mwa adanaaye amuhumullulle.

Yawuupullulla 12:8

Nave enowa yuullupalleeyo yaagonjihiwa sika elliweeyo vamodda ni angelwiiwa kheyaakhullelliwe wi ekhalleke oddullunko.

Yawuupullulla 12:12

Sika hakallallani ellapo yooddullu ni attheene munakhalla wenko! Koma otulli wa ellapo yavatthi ni enyanja! Vawi Satana akitthelle wenko, oosha murima kaambiiwa enthawi emuhallenlle yooyeva.”

2 Epilli 18:21

Munepooyo waawaakhulla wi, ‘Kinaya kalloteke ddawoottha oyeella mwa anamallotellaaye attheene.’ Sika Apwiya yaallota wi, ‘Weera ddiiddo, oneeropambana. Khawe wamulleke.’