Yawuupullulla 12:7 - Mawu a Mulluku

⁷ Nave oddullu waakhalla ekhoto eyo Mikaele vamodda ni angelwaaye yawaniiwa ni enowa yuullupalli vamodda ni angelwiiwattho.

Yawuupullulla 12:7 ပူးပေါင်းရင်းမြစ်များ

Yuda 1:9

Koma naari Mikaele, muullupalli a angelo, ahoova omwiipa mullatu Satana voomullotellani epewe. Nave akanganeeye ni Satana voovaanyihana dda mutembo wa Mose wi ttaani aphwanenlle owuukusa koma aallotille wi, “Apwiya yuullake.”

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

Daniele 10:21

Koma kineerewuulleella nnddo ddilembiwe mu nibukhu na yawoona. Khaavo mmodda anaawore okikavihera ohiri Mikaele, mungelwaanyu muullupalli.”

Daniele 10:13

Mungelo muullupalli a omwene wa o Persiya aakiimesa va mallapo 21 koma Mikaele, mmodda mwa angelo uullupalli, aakikavihera vawi kaakhalla wenko ni mungelo a o Persiya.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

Yawuupullulla 13:7

Yahaakhullelliwa wi ewane ni athu a Mulluku ni waagonjiha. Navettho yaavahiwa olamulello va nirive nlloko, erive ellapo, erive ellotello ni orive mutundu.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Masalimo 78:49

Ahaamorihella munllo woowalli, ahaananariwella aashella murima, aamorihella mu ddookatamiha. Ddenndda ddaari wonanko mulloko wa angelo awoononga.

Mateyu 26:53

Ethiyo onaganiza wi ngaawore waaveka Attiitthaaka wi enthawi yeeyo ekirumihelle milloko dduullupalli dda akhoto dda angelo ddookhwaranya khumi ni meelli?

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Yesaya 34:5

Apwiya aakhoza nsupada niwa oddullu nave ninimakittha wi naallake Aedomu, athu ayo esimikizalliiwa wi ewoononge.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

Yawuupullulla 12:8

Nave enowa yuullupalleeyo yaagonjihiwa sika elliweeyo vamodda ni angelwiiwa kheyaakhullelliwe wi ekhalleke oddullunko.