Yawuupullulla 12:4 - Mawu a Mulluku

⁴ Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

Yawuupullulla 12:4 ပူးပေါင်းရင်းမြစ်များ

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Yawuupullulla 9:19

Vawi akavalwaayo masiviiwa eri muwano mwiwa navettho omiillani ddiwa. Miilla ddiwa ddaari wonanko enowa nnddo miru ddiwa ddiri ddawaaphoriihana athu.

Yawuupullulla 9:10

Aakhalla ni miilla nave olluma waye waari wonanko wa analikalizi navettho miilla ddayenndda ddaakhalla ni masiva owaahoosana athu wa miyeri mitthanu.

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Eksodo 1:16

“Mwaawaayarihaka atthiyana a Eheberi, ayariwa mwaana aamullopwana, mwiipheni koma akhalla aamutthiyana, muhiyeni.”

Yawuupullulla 17:18

“Mutthiyana wamoonilleewooyo sika muzinda woovuwa woolamulella mamwene a va ellapo yavatthi.”

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Yawuupullulla 8:8

Nave mungelo aneepiilli ahoopattho nipallapata naye. Ello emoddeene yawooneya wonanko mwaango muullupalli yookhara munllo yaavokhelliwa mu enyanja. Emodda mwa ezigawo ddiraru dda enyanjeeyo yaatthattuwa nikhame,

Yawuupullulla 8:9

emodda mwa ezigawo ddiraru dda ddoophatusiwa ddookumi dda mu enyanja ddaakhwa nave emodda mwa ezigawo ddiraru dda ekallawa ddahoonongeya.

Yawuupullulla 8:10

Nave mungelo aneeraru ahoopa nipallapata naye. Etheneeri yuullupalli yookhara wonanko mutthiko woovenyera oddullu yaamorella va emodda mwa ezigawo ddiraru dda mihinje ni aneetuutu amaaddi.

Yawuupullulla 8:11

(Nnddina na etheneereeyo tti, “Owaawa.”) Emodda mwa ezigawo ddiraru dda maaddi yaatthattuwa oowaawa nave athu anchichi yawirya maaddaayo yaakhwa ekaamba ya owaawanko.

Yawuupullulla 8:12

Mungelo aneesese ahoopa nipallapata naye. Emodda mwa ezigawo ddiraru dda nndduwa, mweeri ni etheneeri ddahoonongeya sika owala wiwa waatthattuwa epiphi. Owala khewaariwo waambeella emodda mwa ezigawo ddiraru dda otthaana ni dda mahiiyu.

Yawuupullulla 12:7

Nave oddullu waakhalla ekhoto eyo Mikaele vamodda ni angelwaaye yawaniiwa ni enowa yuullupalli vamodda ni angelwiiwattho.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Yawuupullulla 13:4

Arive muthu aallapella enowa yuullupalleeyo kaambiiwa yaavelleella olamulellwiiwa wa enama yuullupalli yawoopiha. Yaallapellattho enameeyo ellota wi, “Ttaani ari wonanko enama yuullupalli yawoopiheella? Ttaani anaawore owanana?”

Yawuupullulla 16:13

Kahoona minepa ddoonanara ddiraru ddawooneya wonanko anaphullu; mmodda akhumaka muwano mwa enowa yuullupalli, mmodda muwano mwa enama yuullupalli yawoopiha ni mmodda muwano mwa namallotella awoottha.

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.