Yawuupullulla 12:2 - Mawu a Mulluku

² Aakhalla ni erukullu nave aari vakhuviru omuyara mwaana nave voohoowani ni ddoovoreya ddineereya voomuyarani mwaana ahinlla mookhuwa.

Yawuupullulla 12:2 ပူးပေါင်းရင်းမြစ်များ

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

Agalatiya 4:19

Anaaka, kinnoonattho ovoreya woophwanaphwana ni ovoreya wa mutthiyana aayaraka ekaamba ya nyuwaano ophiyera makhallello a Khrisitu ekeraattheye mwa nyuwaano.

Yohane 16:21

Mutthiyana akhalla vakhuviru oyara annakhupanya kaambiiwa enthawaaye yawiiwa ovoreya yoophiya. Koma mwaanooyo ayariwa annatiwalla ovoreya wayenko kaambiiwa annahakallalla wi mwaana ooyariwa.

Agalatiya 4:27

Vawi mawu a Mulluku enallota wi, “We mutthiyana oohiyara ipa moohakallalla! We ohinooneke ovoreya wa oyara khuwa ni woopa ellullu! Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.”

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yesaya 54:1

Apwiya enallota wi, We mutthiyana oohiyara, ipa moohakallalla, we ohinooneke ovoreya wa oyara, khuwa ni woopa ellullu. Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.

Yesaya 26:17

Nyu Apwiya, mooninlliha wunchichi wonanko mutthiyana vooyarani.

Yesaya 66:6

Ngiiwani winlla woovenyera mu muzinda! Ngiiwani mawu mu enyumba ya Mulluku, mawu a Apwiya vawaahokollosellani ddoonanara adaniiwa.

Mika 4:9

We muzinda, oninllellati mookhuwa ddiiddo? Ethiyo khonna mwene? Onahoowellati wonanko mutthiyana va enthawi yooyara?

Mateyu 24:8

Ddeko ddittheddenenndda ddinaakhalle wonanko ddoovoreya ddawaamba mwaana aayariwaka.