Yawuupullulla 12:1 - Mawu a Mulluku

¹ Nave oddullu wahooneya echizindikiro yuullupalli, mutthiyana oowara nndduwa, anyinganlle mweeri omanyalloni waye ni korona* ookhalla ni etheneeri khumi ni piilli omuruni waye.

Yawuupullulla 12:1 ပူးပေါင်းရင်းမြစ်များ

Luka 21:25

“Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja.

Aefeso 5:32

Mawu a Mulluku yaalla enuupullulla yoovittheya yuullupalli nave enallota dda Khrisitu ni mpingo.

Yesaya 62:3

Onaakhalle wonanko enduwira yoomwene, yooreera m'mattani mwa Apwiya, wonanko korona* antitimiho m'mattani mwa Mullukwaawo.

Mariko 13:25

Etheneeri ddineeromora ovenyera oddullu nave masiva a muddullu eneerotikhiwa.

Nchipo na Solomoni 6:10

Ttaani oyo anakhuma wonanko ohinase, ooreera wonanko mweeri, oowala wonanko nndduwa, awoopiha wonanko allupa ekhoto eembendela?

Luka 21:11

Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu.

Masalimo 104:2

munniihuruwella ni owala wonanko mukanjo. Moottaphurusa eddullu wonanko ekuwo yamusasa,

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

2 Epilli 32:31

Vano amithenga a enduna dda o Babiloni yaarumiwa wa olliye wi yakohe dda echizindikiro elle yeereye mwiillaponi mulle. Mulluku aamuhiya wi amweese nave wi adduwelle ddittheddene dda m'murimani mwaye.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yawuupullulla 15:1

Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Zekariya 9:16

Nllapo nenno Apwiya Mullukwiiwa eneerewaavullusa, vawi athwiiwaayo tti wonanko enkhosa. Mwiillaponi mwiwa athwaayo eneeronyezimella wonanko malluku oowallamella mutengo va enduwira yoomwene.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.

Mateyu 12:38

Vano ahuddihi amodda a malamulo ni Afarisi amodda yaamulleella Yesu wi, “Ahuddihi, ninapaalla wi noone echizindikiro yoovenyera wa nyuwaano yawooniha wi Mulluku sika uurumihalleni.”

Yawuupullulla 21:14

Esiri ya muzindooyo yamakiwe va matthipello a malluku khumi ni meelli, mvo valembiwe manddina khumi ni meelli a amurummwa a mwaanaankhosa.

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Agalatiya 3:27

Mwaabatiziwa mwawaattana ni Khrisitu nave vano moowara okumi wa Khrisitu wonanko yoowara yanaanweene.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Agalatiya 4:26

Koma Yerusalemu ooddullu, oyo ahiri kaporo tti ameehu.