Yawuupullulla 11:8 - Mawu a Mulluku

⁸ Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”

Yawuupullulla 11:8 ပူးပေါင်းရင်းမြစ်များ

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”

Yawuupullulla 18:21

Vano mungelo amasiva aatukhulla nlluku wunnuwa wiwa wonanko nsillo anivokhella mu enyanja allota wi, “Mmu sika mmo muzinda woovuwa Babiloni aneereeye avokhelliwe vatthi nave khawa ooneyattho.

Aheberi 13:12

Ekaamba ya yeella Yesu nayeenettho aakhwella otte wa muzinda wi aweellihe athu ni nikhame naye.

Yawuupullulla 18:18

Nave yaakhuwa vawoonani mwiisi okhumaka ovenyera vamunlloni washelliha muzindooyo wi, “Khuwaavo muzinda oyo waphwanaphwanne ni muzinda woovuwoolla!”

Yawuupullulla 11:9

Athu oovenyera o ellapo ddittheddene, malloko mattheene ni ellotello dda athu ni mitundu ddittheddene eneerekowehesesa mitembo dda ambonaayo wa mallapo mararu ni hafu nave kheyaakhullella wi ddivitthiwe mu mahame.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Ezekiele 23:27

Sika kineerewuuhiiha ddoonanara ddawo ni oraruwa wawo nko oneereewe ovenyera valle waariiwe o Iguputo. Nave khowa opaallattho apaalle wuupuwella dda o Iguputo.

Ezekiele 23:19

Nave aanararuwa moohihiyerera uupuwellaka ddooraruwa nnddo eereeye ari hule o Iguputo mvo aariiye namwalli.

Ezekiele 23:8

Khaahiyalle makhallellwaaye ooraruwa ayo ahuddenreeye o Iguputo nko allopwana yararuwiiwana, enamuphara mapelle, enakonana ari namwalli,

Ezekiele 23:3

Yaanararuwa o Iguputo. Yaambeelle oraruwa eri anamwalli. Wenko athu yaanawaapapella vathirimani enaaphara mapelliiwa oohikokhora.

Yesaya 3:9

Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Genesis 19:24

Vano Apwiya yaamoriha munllo wa sulufure va Sodomu ni Gomora ovenyera oddullu.

Genesis 13:13

Athu a m'muzindammo yaari oonanara ni oochimwesesa vamiitthoni va Apwiya.

Yawuupullulla 18:2

Aakhuwa ni mawu oowella nave allota wi, “Ookumuwa! Babiloni oovuwa ookumuwa! Vano ootthattuwa nipuro nookhallamo minepa ddoonanara, enama ddawoopiha ddoonanara ddittheddene ni epallame ddoonanara.

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

Yawuupullulla 14:8

Mungelo aneepiilli aamuthwara awaamboolle allota wi, “Ookumuwa! Babiloni oovuwa ookumuwa! Olle aweerihalle athu attheene wi emuwirye vinywaaye oolezeliha ni a makhallello ooraruwa!”

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Aheberi 6:6

Koma yahiya echikhulupililwiiwa tti woohiworeya wi erukunuwettho murima kaambiiwa enakhalla wonanko enimamutthomeyattho Mwaana a Mulluku vamutandani, enamunyaambusa vamiitthoni va athu.

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

Yeremiya 26:23

Alliwa yaamphara Uriya o Iguputo wenko emuwaana wa mwene Yehoyakimu. Mwene aalamula wi Uriya iiphiwe nave mutembwaaye yaawuvittha o mahame a athu shisha.

Yawuupullulla 18:24

Babiloni aallakiwa kaambiiwa nikhame na anamallotella ni athu a Mulluku naaphwanyiwa m'muzindanimmo. Ddawoona, nikhame na attheene ayo yiiphiwe va ellapo yavatthi naaphwanyeya mwa olliye.

Yawuupullulla 17:5

Vayuuchini vaye vaalembiwa nnddina noohidduwanyeya ottaphullella wiwa nawi, “Babiloni oovuwa, ameewa a mahule mattheene ni a ddoonanara dda va ellapo yavatthi.”

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Ezekiele 16:46

Muullupallaawo tti Samariya oyo akhalla ompoto ni mizi ddaye. Mung'onong'onwaawo tti Sodomu oyo akhalla omwera ni mizi ddaye.

Ezekiele 16:49

Ochimwa wa Sodomu ni mizi ddaye waari wawi aaniitukhulla ni eyuumaaye yinchichi nave khaapwatha oohoowa ni oopaneya.

Yawuupullulla 14:20

Mpesooyo waavotiwa mu yoovotella yaari otte wa muzinda nave nikhame sika nakhumalle moovotella mpesammo neetellella wonanko muhinje woorekama makilomita 300 nave owallamella wiwa vakhuviru mamita meelli.

Yawuupullulla 17:18

“Mutthiyana wamoonilleewooyo sika muzinda woovuwa woolamulella mamwene a va ellapo yavatthi.”