Yawuupullulla 11:5 - Mawu a Mulluku

⁵ Muthu apaalla wi aaphoriihe, munllo onnakhuma muwano mwiwa owoononga adaniiwa. Sika emoddamoddave yeeyo, arive muthu anapaalla waaphoriiha iiphiwe.

Yawuupullulla 11:5 ပူးပေါင်းရင်းမြစ်များ

Yeremiya 5:14

Sika ekaambiiwa Apwiya Mulluku Amasiva Mattheene enallotiiwa wi, “Vawi ellotille ddiidda, kineerewaatthattusa mawaaka munllo muwano mwawo. Kineerewaatthattusa ekhuni nave munllo oneerewaashellelliha.”

Hoseya 6:5

Sika ekaambiiwa kuuphanddemini oweella mwa anamallotella, kiwiiphalleemini ni mawaaka. Okamulla waka tti wawooneya wonanko owala wa nndduwa.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Yeremiya 1:10

Ovenyera ollello kohuuvaha olamulello va mitundu ddittheddene dda athu ni moomweniiwa a va ellapo yavatthi wi otulle ni okuha, woononge ni okumulla, omake ni waalla.”

Masalimo 18:8

Mphunani mwaye mwaathuwa mwiisi, muwano mwaye mwaanakhuma munllo wawoononga, mallumi amunllo yaari llave, llave!

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Ezekiele 43:3

Kaddoonilleemi m'masomphenya ddaari wonanko nndde kaddoonilleemi Apwiya ewaaka wi yoononge muzinda. Ddaarittho wonanko nndde kaddoonilleemi o muhinje wa Kebara. Vano kahiivokhella vatthi moopopheya ekhove.

Yawuupullulla 9:17

M'masomphenya mwaka mwemmo kahoona akavalo ni allupa oowella va akavalomvo ewanre ddawiitetezella dda mukoko dda ekhakadda ddiwa ddoofiira wonanko munllo, bululu wonanko nlluku na safire navettho yelo wonanko sulufure. Miru dda akavalwaayo ddaari wonanko dda mikango nave ovenyera muwano mwiwa mwaakhuma munllo, mwiisi ni sulufure.

Yawuupullulla 13:13

Enama yuullupalli yawoopiha yaneepiilleella yaheera ddoottikhiniha dduullupalli, yaheeriha wi munllo okitthe ovenyera oddullu athu attheene yoonaka.