Yawuupullulla 11:2 - Mawu a Mulluku

² Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Yawuupullulla 11:2 ပူးပေါင်းရင်းမြစ်များ

Yawuupullulla 12:6

Mutthiyanooyo aathawella ochipululuni, onipuroni nko Mulluku akhozilleeyewo khalle wi aweheriwewo wa mallapo 1, 260.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Yawuupullulla 22:19

Muthu avenyihavo ello va mawu oollotelliwa mu nibukhunna, Mulluku aneeromuvenyiherawo embali emodda ya ezipaso ddaye dda muteekho wa okumi ni nipuro naye mu Muzinda Waweella, nnddo ddilembiwe mu nibukhunna.

Mateyu 27:53

Yaakhumamo mu mahame mwiwa nave Yesu avenyille wa ookhwa, alliwaayo yaavollowa mu muzinda waweella, Yerusalemu, yooneya wa athu anchichi.

Mateyu 5:13

“Nyu muri wonanko mwiinyu wa athu attheene a va ellapo yavatthi. Koma mwiinyu watthulluwa khoweerihiwattho wi oddiveke. Khonnattho mutteko, sika onnatathilliwa nave athu ennawuunyingalla.

Mateyu 4:5

Vano Satana aamukusella Yesu o muzinda waweella, Yerusalemu. Aamwiimesa otthoka va enyumba ya Mulluku,

Daniele 8:10

Nnyakanno nahunnuwa wunchichi naphiya o milloko ddakhoto ddooddullu. Naamoriha etheneeri ddimodda ni oddinyingallella.

Ezekiele 42:20

Sika aalinga embali ddittheddene ddisese. Vaakhalla esiri ddawaapheella nthato nittheene. Orekama ni okhuveya wiwa waari mamita 250. Esireeyo yaari yoohiyaniha ddeko ddoopatuleya ni ddeko shisha.

Yawuupullulla 11:11

Koma emanlle mallapo mararu ni hafwaayo, mpweya woovaha okumi woovenyera wa Mulluku waaviddeellelliwattho mwa mitembonndde nave ddaavenya nave athu attheene ayo yoonille yahoova.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Daniele 7:19

Vano kaapaalla odduwella dda yookumi yaneesese eyo yahiyanne ni ddikhwiiwa ddittheddene, yawoopiha wunchichi, ya miino amukoko ni ekarukha ddamukuwa eyo yakhaddulla, ettakhuna, enanyingallella ddoohalla ni manyallwiiwa.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

Masalimo 79:1

Nyu Mulluku, athu a mitundu ddimodda aavollweella mu yoohallanaanyu, aaripiha enyumbaanyu yaweella aamutthattusa Yerusalemu ntepe.

Numeri 14:34

Muneerollakiwa wa miyakha 40 ekaamba ya machimwaanyu. Orive muyakha oniimellelleke nllapo nimodda na mallapo ayo mwazondilleenyu ellapo. Muneerodduwella woopiha wiwa kuushellani murima.’

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Ezekiele 4:6

Wamalliha ddenndda orukunuwe okonaatthelle onnattanattani. Kohuuhiyera mallapo 40 ophwanaphwaniha ni miyakha dda machimo a Ayuda.

Daniele 8:13

Vano kaamwiiwa aweella allotaka nave aweella mmoddattho aamukoha allotooyo wi, “Ethiyo ddinaamalle niini ddinooneya m'masomphenyanndda? Ethiyo mikutho dda nllapo ni nllapo ddinaahiihiwe ophiyera niini? Ethiyo yoonanara yoottholloseella enaakhallevo ophiyera niini? Ethiyo enyumba yamallapello vamodda ni milloko ddakhoto ddooddullunnddo ddinaanyingallelliwa ophiyera niini?”

Daniele 8:14

Mmoddooyo ahaakhulla wi, “Ddineereweereya otthaana ni mahiiyu wa mallapo 2,300. Vatulli viwa enyumba ya mallapello eneereweellihiwa wonanko khalle.”

Yawuupullulla 21:10

Vano kaahoollelliwa ni Munepa Waweella nave mungeloolle aakikusella vaddullu va mwaango woorekama. Aakooniha Yerusalemu, muzinda waweella okitthaka ovenyera oddullu, wa Mulluku,