Yawuupullulla 11:18 - Mawu a Mulluku

¹⁸ Athu oohimullapella Mulluku yaasha murima, koma enthawaanyu yoosha murima yoophiya, enthawi yawi ookhwa yeeruziwe. Enthawi yowaathuva oorumeyella, anamallotellaanyu yoophiya, nave athwaanyu attheene, ayo enawoovani, uullupalli ni ang'onong'onweene. Enthawi yoophiya yoowoononga ayo enoononga ellapo!”

Yawuupullulla 11:18 ပူးပေါင်းရင်းမြစ်များ

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Yawuupullulla 19:5

Nave mawu yaavenyera o mpando woomwene wooddullu oollota wi, “Aleluya! Oorumeyellaaye attheene a Mulluku ni athu attheene ayo enamoova olliye, uullupalli ni ang'onong'ono, emutitimihe!”

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Yawuupullulla 22:12

Yesu anallota wi, “Ngiiwellani! Kinimawa veneva! Kineerowaana ddoothuva ddaka wi kivelleelle wa athu attheene moollikana ni mitteko ddiwa.

Masalimo 103:11

Mmo oddullu orekamellaniiwa ni ellapo yavatthi, tti mmo yunnuwelle echikondiiwa yoohisintheya wa oowoova.

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.

Yawuupullulla 15:1

Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Aheberi 9:27

Arive muthu anakhwa omodda nave vatulli viwa aneeruziwa.

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Masalimo 110:5

Apwiya eri onnattanatta nawo, eneerewaanyenya mamwene va nllapo na osha murima wiwa.

Masalimo 85:9

Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.

Masalimo 2:5

Moonanariwa, eneerewaahumullulla, moowoopopiha, eneerewaasimwella.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yawuupullulla 18:6

Mumuhokolloselle aweerenlleeyeni, mumullivellihe opiilli va ddittheddene enreeye. Mumuwiryihe opiilli kapwaaye a yoowirya yoowalli wonanko yoowirya uuvahilleni olliyooyo.

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Daniele 7:26

Koma a va nthato eneeroweeruza nave eneerowaakha olamulellwiiwa wa enthawi yoohimalla wi woonongiwe ni otthollosiwa.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Oollalleya 8:12

Naari muthu oochimwa eerille ddoonanara wunchichi, annakhallave ni okumi wa enthawi yoorekama koma kinnadduwella wi oomwiiwellella Mulluku ddinnamweetella phaama vawi annamoova Mulluku.

Masalimo 147:11

koma Apwiya ennahakallalla ni athu oowoova, ayo enatiyera echikondiiwa yoohisintheya.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Daniele 11:44

Koma epilli yoovenyera wookhuma nndduwa ni ompoto eneeromoopiha nave aneerotimulla ashille murima wunchichi wi oononge ni waatthollosa athu anchichi.

Yawuupullulla 10:7

Nave mungelo aneetthanu ni piilli oopa nipallapata naye, vano Mulluku aneerokwakhwaniha yoolingaaye yoovittheya ollikana ni nnddo allotilleeye mwa oorumeyellaaye, anamallotella.”

Yawuupullulla 13:16

Enama yuullupalli yawoopiha yahaawatihera athu attheene, ang'onong'ono ni uullupalli, eeyuuma ni oohoowa, akaporo ni ehiri akaporo wi edindiwe va nnattanatta apaalle va eyuuchi ddiwa.

Yawuupullulla 19:18

Waawoni muttakhune mitembo dda mamwene, oolamulella a akhoto, akhoto, enama dda akavalo ni owaawelliiwa, mitembo dda athu attheene, akaporo ni ayo ehiri akaporo, uullupalli ni ang'onong'ono!”