Yawuupullulla 10:7 - Mawu a Mulluku

⁷ Nave mungelo aneetthanu ni piilli oopa nipallapata naye, vano Mulluku aneerokwakhwaniha yoolingaaye yoovittheya ollikana ni nnddo allotilleeye mwa oorumeyellaaye, anamallotella.”

Yawuupullulla 10:7 ပူးပေါင်းရင်းမြစ်များ

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Mitteko 3:21

Anaphwanella wi akhalle oddullu ophiyera ekwakhwanihiwe enthawi yoopotokosa ddeko ddittheddene wi ddikhalle ddanaanweene moollikana ni ddallotille Mulluku oweella mwa anamallotella aweella murima ayo yaariwo mallapo akhalle.

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Yawuupullulla 14:6

Nave kaamoona mungelo mmodda avavaka muddullu, aakhalla ni othenga waphaama wa enthawi yoohimalla wi allalleye wa athu a va ellapo yavatthi, wa mitundu ddittheddene, malloko mattheene, ellotello ddittheddene ni ellapo ettheene.

Yawuupullulla 17:17

Vawi Mulluku ohaavaha mamwenaalla murima woopaalla weera yoolingaaye vawiiwananani ovelleella masiviiwa ni olamulellwiiwa wa enama yuullupalli yawoopiha ophiyera mawaaye ekwakhwanihiwe.