Yawuupullulla 10:5 - Mawu a Mulluku

⁵ Nave mungelo oyo kamoonilleemi iimenlle va enyanja ni vamutundani ahiimesa muwonwaaye wa nnattanatta atthoonya oddullu,

Yawuupullulla 10:5 ပူးပေါင်းရင်းမြစ်များ

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Deuteronomo 32:40

Kinniimesa muwonwaaka muddullu, wi killupelle mu nnddina naka

Yawuupullulla 16:17

Mungelo aneetthanu ni piilli aahella embalaaye muddullu nave kahiiwa mawu oowella oovenyera o mpando woomwene wa mu enyumba ya Mulluku ellotaka wi, “Woomalla!”

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Yawuupullulla 10:2

M'mattani mwaye mwaari nibukhu ning'onong'ono noohulliwa. Nnyallo naye namweto woonnattanatta anyinganlle va enyanja ni nnyallo naye noonyottho anyinganlle vamutundani.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Yawuupullulla 4:9

Ddoophatusiwa ddookumi ddisese ddinniipa machipo ootitimiha, ooriiha ni oomuthokoza oyo akeraatthille vampandoni woomwene, oyo arina okumi woohimalla. Vawiipani,

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

Aheberi 6:13

Mvo Mulluku amulonjezilleeye Abrahamu aallupella. Vawi khaarivottho mmodda muullupalli omukhwaranya olliye, aaromonlle nnddina naye nenno voollupellanimvo.

Aroma 1:20

Waambeella enthaweeyo Mulluku aphatuseeye ellapo yavatthi, makhallellwaaye oohooneya, ayo tti, masivaaye oohimalla ni omullukwaaye, oohooniwa. Yaalla enadduwanyeya oweella mwa ddeko ddoophatusiwa ni Mulluku. Sika athu yaalla khenna mawu oothawella!

Mitteko 17:23

Vawi keetilleemi m'muzindani mwanyummu, koona mapurwaanyu oollapellella, kaaphwanya nikuwa noolembiwa wi, ‘Wa mulluku oohidduwanyeya.’ Vano oyo munamullapelleenyu naari muhimudduwellaka, tti oyo kinamullalleyeemi wa nyuwaano.

Ezekiele 20:5

Vatulli viwa waalleelle mawaaka awi, ‘Va nllapo nno kuutthoollilleemi we Israele, kaallupella wa edduullu dda Yakobo nave kaadduupullulla wa alliwa o Iguputo. Kaallupella kaalleella wi, “Mi tti Apwiya Mullukwaanyu.” ’

Masalimo 146:5

Oodalisiwa tti muthu oyo nikavihero naye ninavenyera wa Mulluku a Yakobo, oyo etiyerellwaaye eri va Apwiya Mullukwaaye,

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Ezekiele 47:14

Ellapweella muyikawene moophwanaphwana kaambiiwa kaallupella wi kineeroyivaha wa makhollwaanyu nave enaakhalle yoohallanaanyu.

Ezekiele 36:7

Sika koollupella vamiitthoni vaka wi alliwattho athu a mitundu ddoowaapheella eneerovevulliwa.

Ezekiele 20:42

Vano muneerodduwella wi mi tti Apwiya, vawuuhokollosellani o ellapo ya Israele, ellapo eyo kallupenlleemi wi kaavahe makhollwaanyu.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Ezekiele 20:23

Kaallupella muchipululuni wi kineerewaapallallesella variyari va mitundu dda athu ni waamwarella o ellapo ddawoorekama

Ezekiele 20:15

Woonjerera vaavo kaallupella wa alliwa muchipululuni wi ngaavollochiha mu ellapo eyo kaavahilleemi khalle, ellapo ya mukaka ni enwi, yooreera okhwaranya ellapo ddittheddene.