Yawuupullulla 1:7 - Mawu a Mulluku

⁷ Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Yawuupullulla 1:7 ပူးပေါင်းရင်းမြစ်များ

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Yohane 19:37

Nave mawu a Mulluku enallotattho wi, “Eneeroweha va oyo yaamuhomilliiwa.”

Mariko 14:62

Yesu ahaakhulla wi, “Tti meene nave muneerokoona mi, Mwaana a Muthu, kikeraatthille onnattanatta na Mulluku Amasiva Mattheene kiwaaka vamiraponi ddooddullu!”

Luka 21:27

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

1 Atesalonika 4:17

Vano hiyaano niri ookumi nineerotthukumanihiwa ni alliwaayo nave nineerotukhullelliwa m'miraponi wi nakumane ni Apwiya muddullu. Nave vawiddiidda nineerokhalla ni Apwiya wa enthawi yoohimalla.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

Mariko 13:26

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Yuda 1:14

Enoki, muthu a mbado waneetthanu ni piilli ovenyera va Adamu, aallotella dda yaalla wi, “Ngoonani! Apwiya eneeroowa ni angelwiiwa ooheerengeya.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Yawuupullulla 22:20

Oyo anavelleella omboni wa ddittheddenenndda anallota wi, “Ddawoona miyaano kinimawa veneva!” Amen! Waani Apwiya Yesu.

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Masalimo 97:2

Mirapo ni epiphi yuullupalli ddoowaapheella Apwiya, echilungamo ni echiweruzo sika ddikeraatthihalle omweniiwa.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Yobu 33:26

Muthooyo avekella, Mulluku annaakhulla, annawa vamiitthoni va Mulluku moohakallalla nave Mulluku annamuhokollosella echilungamwaaye.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Yohane 19:34

Nave mmodda a akhotwaayo aahoma epararu ya Yesu ni nivaka nave enthawi yeeyo mwaakhuma nikhame ni maaddi.

Numeri 24:17

Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Masalimo 68:1

Mulluku avenya adanaaye ennapallalleya, attheene enamwiita emmathawa vamiitthoni vaye.

Oweeruza 5:31

“Nyu Apwiya, adanaanyu ekhweke etathiyeke ddiidda, Koma akhwiinyu ekhalle oowala wonanko nndduwa, nookhuma mwamasivaaye.” Vano ellapweeyo yaakhalla vamurendelleni miyakha 40.

Yawuupullulla 22:4

Eneerewoona ekhovaaye nave nnddina naye nineerolembiwa va eyuuchi ddiwa.

Aheberi 6:6

Koma yahiya echikhulupililwiiwa tti woohiworeya wi erukunuwettho murima kaambiiwa enakhalla wonanko enimamutthomeyattho Mwaana a Mulluku vamutandani, enamunyaambusa vamiitthoni va athu.

Zekariya 12:11

Nllapo nenno oneerokhalla winlla maliro wuullupalli o Yerusalemu monga ddakhallelliiwa voomwinllellani Hadadirimoni mu ntapo na o Megido.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Mateyu 25:31

“Mi, Mwaana a Muthu, kaawaka mu ntitimiho naka wonanko mwene ni angelo attheene, kineerokeraatthi vampandonaaka wantitimiho.