Yawuupullulla 1:17 - Mawu a Mulluku

¹⁷ Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Yawuupullulla 1:17 ပူးပေါင်းရင်းမြစ်များ

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Yawuupullulla 22:13

Mi tti awaambeella ni oomallihella, waamba ni omalliha.”

Yesaya 41:4

Ethiyo ttaani eerille ddenndda ophiyera omalliha, ohiri oyo aambihalle mitundu ddittheddene dda athu? Mi Apwiya tti awaambella ni oomallihella, miyaano meekha tti olliyooyo.

Yesaya 48:12

Apwiya enallota wi, “Nyu Yakobo ni Israele, kaapelleni maaru, nyuwaano ayo kiwiithanilleemini. Miyaano sika Mulluku, kiri awaambeella ni oomallihella.

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Ezekiele 1:28

Owalanko wooneya wonanko mwiisherima murimu aarupaka. Mmu sika ntitimiho na Apwiya nooneyelliiwa. Vano kawoonilleemi kahiivokhella vatthi kipopheya ekhove nave kahiiwa mawu ookillotiha.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Daniele 10:15

Alloteeye ni miyaano mawaalla, kaarimi worii vatthi oohillota ello.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Mateyu 28:4

Ooweheraalle yaatthukumella, yiikuha ekhalla wonanko athu ookhwa vawi yaamoova wunchichi.

Daniele 10:12

Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.

Eksodo 20:20

Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Yohane 21:20

Petro arukunuwalleeye aamoona oohuddera mmodda olle Yesu aamukondilleeye, aathwaraka. Olliyoolla tti olle akeraatthille vakhuviru ni Yesu vamachellelloni nave amukoha Yesu wi, “Apwiya, ttaani oyo anuuvelleelleni wi mwiiphiwe?”

Yohane 13:23

Mmodda a oohudderaayo, oyo Yesu aamukondilleeye aakeraatthi vakhuviru ni Yesu.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Masalimo 139:5

Munnakaapheella mutulli ni muhoollo, munnatukhullella nnatta nanyu va miyaano.

Maliro 3:57

Nyuwaano mwaasusella vakhuviru kavekelleemi wi mukikavihere nave mwaallota wi, ‘Ohoove.’