Yawuupullulla 1:16 - Mawu a Mulluku

¹⁶ Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Yawuupullulla 1:16 ပူးပေါင်းရင်းမြစ်များ

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Yawuupullulla 2:16

Vano rukunuwani murima! Mwaahirukunuwa murima, kineeroowa wa nyuwaano veneva wi kiwane ni athu yaayo ni nsupada nookhuma muwano mwaka.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Yawuupullulla 2:12

“Omulembelle oohoollella a mpingo wa o Pergamo wi, “Alla sika mawu oovenyera wa oyo arina nsupada nawiisha nngu ni nngu awi,

Aefeso 6:17

Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

Yesaya 49:2

Aakitthattusa vayanoni vaka wi vikhalle wonanko nsupada nawiisha. Aakiteteza ni nnatta niwa aakihana wonanko mpaamba wootthokowa, aakiipitthiha munigoneloni mwiwa.

Yawuupullulla 19:21

Akhotwiiwa yahiiphiwa ni nsupada noovenyera muwano mwa oyo awenlle va kavalo navettho epallame ddittheddene ddaacha mitembo dda athu attheenaayo.

Mateyu 17:2

Nave Yesu aatthattuwa vamiitthoni viwa. Owiitthoni waye waanawala wonanko nndduwa nave ddoowara ddaye ddaakhalla ddaweella mbee.

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yawuupullulla 3:1

“Omulembelle oohoollella a mpingo wa o Sarde wi, “Alla sika mawu oovenyera wa oyo anasunga minepa mitthanu ni miilli ddinamurumeyella Mulluku ni oyo akusalle etheneeri dditthanu ni piilli m'mattani mwaye awi, kinnadduwella makhallellwaanyu, epilli ddanyu tti ddawi mookhalla ni okumi naari mukhwille!

Mitteko 26:13

Mwene nyu, waari 12 koloko otthaana kiri voolendoni, mvo koonilleemi owala wuullupalli wookhwaranya nndduwa, woovenyera oddullu okaapheellaka miyaano ni akhwaaka keeteemina.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Yawuupullulla 12:1

Nave oddullu wahooneya echizindikiro yuullupalli, mutthiyana oowara nndduwa, anyinganlle mweeri omanyalloni waye ni korona* ookhalla ni etheneeri khumi ni piilli omuruni waye.

Yawuupullulla 10:1

Nave kaamoona mungelo mmodda amasiva awaaka ovenyera oddullu nave ahuruwelliwe m'miraponi navettho mwiisherima waaphenlle omuruni waye. Ekhovaaye yaari wonanko nndduwa ni meto ddaye ddaari wonanko apoto amunllo.

Daniele 12:3

Athu eezeru eneerowala wonanko muddullu. Nave ayo yaahoollelle athu anchichi mu ettilla ya echilungamo eneeronyezimella wonanko etheneeri wa enthawi yoohimalla.

Yobu 38:7

Valle etheneeri ddoohinase ddiipiiwa vamodda nave anamwani aallopwana a Mulluku yakhuwiiwa moohakallalla?

Daniele 8:10

Nnyakanno nahunnuwa wunchichi naphiya o milloko ddakhoto ddooddullu. Naamoriha etheneeri ddimodda ni oddinyingallella.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Oweeruza 5:31

“Nyu Apwiya, adanaanyu ekhweke etathiyeke ddiidda, Koma akhwiinyu ekhalle oowala wonanko nndduwa, nookhuma mwamasivaaye.” Vano ellapweeyo yaakhalla vamurendelleni miyakha 40.

Masalimo 45:3

Nyu amasiva, makellellani nsupada nanyu muyuununi, mu oriiheya wanyu ni ottekweenaanyu.

Nchipo na Solomoni 6:10

Ttaani oyo anakhuma wonanko ohinase, ooreera wonanko mweeri, oowala wonanko nndduwa, awoopiha wonanko allupa ekhoto eembendela?

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Oweeruza 3:16

Vano Ehudi aahana nsupada naye nawiisha nngu ni nngu, noorekama masentimita 50. Nave aamakellella nsupadanno muwari mwa ddoowara ddaye vakasambarani a onnattanatta naye.