Yawuupullulla 1:13 - Mawu a Mulluku

¹³ nave variyari va ddoohiyavo enyalinnddo vahiimella awooneya wonanko Mwaana a Muthu, awanre mukanjo woophiya m'manyalloni mwaye navettho amakenlle mukhwamba wa golide va ekhakaddaaye.

Yawuupullulla 1:13 ပူးပေါင်းရင်းမြစ်များ

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 10:16

Vano mmodda awooneya wonanko muthu aattannya eyanwaaka. Olliye iimenlleve ddiiddo vamiitthoni vaka, kahaamba ollota wi, “Nyu Apwiyaaka, nnddo koonilleemi m'masomphenya ddookihoma murima nave nginna masiva.

Yawuupullulla 15:6

Nave angelo atthanu ni eelli ayo yaari ni millilli mitthanu ni miilli yaakhuma mu enyumba ya Mullukummo, ewanre ekuwo ddaweellesesa, emakenlle mikhwamba dda golide va ekhakadda ddiwa.

Yawuupullulla 14:14

Kaaweha nave kahoona murapo waweella, vamuraponimvo vakeraatthille mmodda awooneya wonanko mwaana a muthu amuwanre korona* a golide omuruni waye wonanko mwene nave aphareelle echikwakwa yawiisha m'mattani mwaye.

Levitiko 8:7

Aamuwariha malaya Aroni, amumakella laamba muyuununi. Aamuwarihattho mukanjo ni yoowara ya efodi* nave aammakellattho laamba a efodooyo.

Daniele 7:9

Kiwehaka ddiiddo, kahoona mipando ddoomwene dditthattiwaka. Oyo arivo ovenyera khalle aakeraatthi va mpando mmodda. Ddoowara ddaye ddaari ddaweella mbee wonanko nthoche nave meehaaye yaari aweella wonanko obweya weenkhosa. Mpandwaaye waari wonanko wa mallumi amunllo nave magudumwiiwa yaari wonanko mallumi amunllo.

Yesaya 11:5

Echilungamo enaakhalle laambaaye, ororomelleya onaakhalle yoomakella muyuununi mwaye.

Aheberi 4:15

Mullupa mukutho muullupallaahooyo anniiwesesa ofooka wahu vawi olliyettho aheesiwa wonanko hiyaano koma khaachimwalle.

Eksodo 39:5

Vaakhallattho laamba oolluwa mweeruso, oomakellana efodi. Laambooyottho aari a olusi wagolide ni a mapururu abululu, ooreera oofiira ni oofiira navettho a bafuta aphaama moollikana ni mmo Apwiya yamulamulelliiwa Mose.

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,