Yawuupullulla 1:11 - Mawu a Mulluku

¹¹ Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yawuupullulla 1:11 ပူးပေါင်းရင်းမြစ်များ

Yawuupullulla 3:1

“Omulembelle oohoollella a mpingo wa o Sarde wi, “Alla sika mawu oovenyera wa oyo anasunga minepa mitthanu ni miilli ddinamurumeyella Mulluku ni oyo akusalle etheneeri dditthanu ni piilli m'mattani mwaye awi, kinnadduwella makhallellwaanyu, epilli ddanyu tti ddawi mookhalla ni okumi naari mukhwille!

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Habakuku 2:2

Apwiya yaakaakhulla wi, “Lemba masomphenyaalla vanllukuni wi muthu ttuuweerenga moohikatamiha.

Yeremiya 30:2

Yaawa wa Yeremiya wi, “Olembe mu nibukhu ddittheddene kuulleelleemi.

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Yawuupullulla 2:18

“Omulembelle oohoollella a mpingo wa o Tiyatira wi, “Alla sika mawu oovenyera wa Mwaana a Mulluku, oyo miitthwaaye tti wonanko mallumi amunllo, manyallwaaye oowala wonanko mukoko wooreerihiwa awi,

Yawuupullulla 2:12

“Omulembelle oohoollella a mpingo wa o Pergamo wi, “Alla sika mawu oovenyera wa oyo arina nsupada nawiisha nngu ni nngu awi,

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Yesaya 30:8

Mulluku aakilleella wi, “Lemba ddenndda va sileti alliwa yoonaka nave waddilembettho mu nibukhu wi muhoollo ddikhalle omboni woohimalla.

Yawuupullulla 21:5

Mulluku oyo akeraatthille vampandoni woomwene aallota wi, “Vano kinatthattusa ddeko ddittheddene ddikhalle ddanaanweene!” Aallotattho wa miyaano wi, “Lemba ddenndda vawi mawu yaalla tti awoona nave tti ororomelleya.”

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

Yawuupullulla 10:4

Ogugudeyanko wamaallilliiwa, kaapaalla wi kilembe ddallotiwe mu ogugudeyanko. Koma kahiiwa mawu oovenyera oddullu wi, “Ohimulleelle arive muthu nnddo ogugudeya waneetthanu ni piilli ollotilliiwa nave ohilembe!”

Yawuupullulla 1:19

Vano onaphwanella wi olembe mu nibukhunna ddeko ddittheddene onooneewe, ddineereya owaakattho dda ddeko nnddo ddineereye muhoollo.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

1 Timoteo 1:3

Kinapaalla weyaano okhalleke m'muzindani wa Efeso moollikana ni mmo kuuvekilleemi kayeemi mu echigawo ya Masedoniya. Athu amodda wenko ennahuddiha ddeko ddawoottha, sika waalamule wi ehiye.

Deuteronomo 31:19

“Vano lemba nchipo, waahuddihe Aisraele nave nihivenyekevo vayanoni viwa wi nikhalle wonanko ombonaaka wowaavaanyiha.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Yawuupullulla 1:2

nave Yohane ootthopoolla ddittheddene oonilleeye. Olla sika ombonaaye woollota dda mawu a Mulluku navettho omboni wa dda Yesu Khrisitu.

1 Akorinto 16:8

Kinaakhalle wuno o Efeso ophiyera nllapo na Pentekosite.

1 Akorinto 15:32

Moollikana ni oganiza wa athu, yoowanella ni enama ddamuhakani wonanko keerelleemi wa Efeso tti tini? Nave athu ookhwa yaarimi ehivenyihiwe vano hankoni neere wonanko mmo athu enallotelliiwa wi, “Hankoni niche nave niwirye vawi osiisello nineerokhwa.”

Mitteko 20:17

Paulo aariiye o Mileto ahaarumihella mawu attekweene a mpingo* wa o Efeso wi akumanena.

Mitteko 18:24

Enthawi yeeyo Muyuda mmodda nnddina naye Apolo, oyo ayariwe o Alekizandriya, aawa o Efeso. Aari muthu oodduwella ollota phaama navettho aari oodduwella mawu a Mulluku.

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Akolose 2:1

Kinapaalla wi mudduwelle mmo kinapharelleemi mutteko moollipihella wa nyuwaano ni wa athu a o Laodikeya ni wa attheene ayo ehinakooneke vamiitthoni ni vamiitthoni.

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Yawuupullulla 2:24

“Koma wa athu amodda o Tiyatira ayo ehinathwara ehuddiho yoonanareella nave ayo yahihuddenre nnddo amodda enaddiromolliiwa wi ‘ddeko ddoovittheya ddoovenyera wa Satana.’ Kinimuulleellani wi nguullemellihani ni malamulo mamodda.

Yawuupullulla 3:4

Koma athu ooyeva a nyuwaano o Sardenko khamwaaripihalle ddoowara ddanyu ni machimo. Muneereweeta ni miyaano, muwanre ddaweella kaambiiwa munnaphwanella weera ddennddo.

Yawuupullulla 22:10

Nave aakilleella wi, “Ohaavitthelle athu mawu oollotelliwa mu nibukhunna kaambiiwa enthawi yohaatamella yawi ddittheddenenndda ddineereweereya.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”