Yakobo 5:5 - Mawu a Mulluku

⁵ Mohiichella va ellapo yavatthi ni eyuuma. Mohiineneviha okhozekella nllapo nawiiphiwa.

Yakobo 5:5 ပူးပေါင်းရင်းမြစ်များ

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Luka 16:19

“Waakhalla muthu mmodda eeyuuma oyo awara ddoowara ddoowallamella mutengo nave nllapo ni nllapo aanakhoza machellello a ddoocha ddinchichi.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Yeremiya 12:3

Koma Apwiya munnakidduwella, munnakiweha nave munneesa murimaaka wi moone kaarimi kuukondakani. Mwaapurulle athu oonanara wonanko enkhosa ddookuselliwa wawiiphiwa, mwaahiye vakhwipi ophiyera nllapo nawi yiiphiwe.

Yawuupullulla 18:7

M'muhoose ni omumoriha ethakaraka ddawinlliha moollikana ni eyuuma owaaka ddoohakallalliha iivahilleeye yeekha. Vawi annallota yeekha wi, ‘Vano ngakiweheni, miyaano tti mwene aamutthiyana, ngihiyo naamukhwelle ngiwa kikumana ni ddawinlliha.’

Yeremiya 25:34

Nyu abusa, inllani wunchichi ni okhuwa mwamasiva. Nyu oohoollella a athwaaka, ihelleni ntuura. Enthawaanyu yawiiphiwa yoophiya nave muneeropwesiwa ni omwaramwariwa wonanko epalli yoowallamella mutengo.

Yesaya 22:13

Koma mwaahakallalla ni weelliwa murima, mwahiipha eng'ombe ni enkhosa, muddittakhunana nave mumuwirya vinyo. Mwaallota wi, “Hankoni niche nave niwirye vawi osiisello nineerokhwa.”

1 Samuele 25:36

Abigaile aarowa owaniwa amuphwanya Nabala ari va machellello wonanko a mwene. Nabala aari oohakallalla wunchichi vawi aalezela. Vano mutthiyanoolle khaamulleelle erive ello ophiyera ohinase.

Yuda 1:12

Yaalla sika enaripiha machellellwaanyu oohakallallella eyaattano mumpingoni vawi ennikonda weekhiiwa moohiwulliwa muru. Tti wonanko mirapo ddookakhiwa ni ephevo nave ddoohimurupiha murimu. Tti wonanko miteekho ddoohimma ezipaso naari ophiyalle omamallihello wa enthawi yoohata ezipaso. Tti wonanko miteekho ddootulliwa nave ddaakhwa.

2 Petro 2:13

nave eneerohoosiwa ekaamba ya ohoosa yenriiwa. Ennakonda okwakhwaniha minkhella dda miilli ddiwa nndduwa noopaka. Nave yaachaka ni nyuwaano ennuuwullihani muru kaambiiwa ennakonda woottha!

2 Timoteo 3:4

Enaakhallettho oohiroromelleya, oohoova erive ello, awiitukhulla, ookonda minkhella dda vatthimva ohikhalla oomukonda Mulluku.

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

Ezekiele 39:17

“We mwaana a muthu, mi Apwiya Mulluku kinallota wi, ‘Oddiithane epallame ni enama ddamuhakani, oddilleelle mawaaka awi tthukumanani muwe wuno. Ithanihanani ovenyera embali ddittheddene. Muwe o machellello a mukutho muullupalli ayo kinuukhozelleemini o miyaango dda Israele. Wenko muneerottakhunawo enama ni owirya nikhame.

Yesaya 56:12

Oolezela awi ddiiddaalla enallota wi, ‘Hankoni nimuwirye vinyo, hankoni niwirye ddoowirya ddoowalli ophiyera nivone. Osiisello onaakhalle wonanko ollello apaalle ttuuriya okhwaranya ollellova.’ ”

Yesaya 47:8

We ooddivelliwa ddoohakallalliha, iwesesa nndda, we ookhalla vamurendelleni, oollota m'murimani mwawo wi, ‘Tti meeneve, khaavottho mmodda opatula miyaano, ngiwa kikhalla naamukhwelle, anaaka khewa ekhwa.’

Yesaya 3:16

Apwiya enallota wi, “Atthiyana a o Ziyoni tti awiitukhulla wunchichi, eneeta mathuri eri muddullu nave enaweha moorukunusa miittho. Eneeta mwawiinyarulla nngu yinllihaka ebangili ddiwa dda m'metoni.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Miyambo 17:1

Tti waphaama ocha mvitthe viri murendelle okhwaranya machellello mpa muri okangana.

Miyambo 7:14

“Koovelleella mukutho wa eyaattano nave ollello kookwakhwaniha nnddo kallupenlleemi.

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

1 Samuele 25:6

Mwamullochelle wi, Davide anallota wi, ‘Murendelle okhalle ni nyuwaano ni nibanja nanyu nittheene ni ddeko ddanyu ddittheddene muriinyuna.

Masalimo 73:7

Oneneva wohiipiha miitthwiiwa, mirima ddiwa tti ddooddalla ni maganizo oonanara.

Ezekiele 16:49

Ochimwa wa Sodomu ni mizi ddaye waari wawi aaniitukhulla ni eyuumaaye yinchichi nave khaapwatha oohoowa ni oopaneya.