Yakobo 5:3 - Mawu a Mulluku

³ Golidaanyu ni silivaanyu ookhalla ni murawa nave murawooyo sika oneerelle omboni wawuuvaanyihani nave oneerewoononga mwiillaanyu wonanko munllo. Mohiitthukumanihella eyuuma mallapo oomallihellaalla.

Yakobo 5:3 ပူးပေါင်းရင်းမြစ်များ

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

2 Timoteo 2:17

Nave ehuddiho ddennddo ddinaphwanaphwana ni nikhwata noottatthareya. Athu eelli ayo ehuddihalle ddenndda tti Himeneo ni Fileto.

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Mika 3:3

Munnakittakhunella athwaaka, owaatta, waapwesa makhuviiwa ni waaphaddella mwiipallini wonanko enama.

Yeremiya 19:9

Kineerewaawatihera athwaayo wi yaattakhune aniiwa aallopwana ni aatthiyana. Eneerottakhunana va enthawi yawoopiha vawaapheelliwani ni adaniiwa wi yaahoose.’ ”

Yobu 16:8

Ookiphara, ootthattuwa omboni wawi miyaano tti oolakwa. Nave kihanlle makhuvave, osimikizella wi mi tti oolakwa.

Yoswa 24:27

Nave ahaalleella athwaayo wi, “Nlluku nenna nikhalle omboni woonivaanyiha. Mawu ayo Apwiya ellotilliiwa ni hiyaanwaalla nllukunna nohiiwa. Sika nllukunna ninaakhalle omboni wowuuvaanyihani mwamukhoota Mullukwaanyu.”

Genesis 49:1

Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”

Genesis 31:52

Nipuro namallukunna ni nlluku na yawuupuwella, ddittheddenenndda tti omboni. Nave miyaano ngiwa killapuwa nipuro nenna wi killipane ni weyaano.

Yawuupullulla 17:16

Manyaka khumi woonilleewe ni enama yuullupalli yawoopiha, ddineerewiitana ni hulooyo. Eneeromwaakha erive ello ariiyena eneeromuhiya ari epwillimwinddive, eneerottakhuna mwiillaaye nave eneeromwiipha voomoosani munllo.

Genesis 31:48

Vatulli viwa Labani aallota wi, “Nipuro nenna ninaakhalle omboni variyari va miyaano ni weyaano.” Sika nipuronna yaaniromolla Galedi.

Mitteko 2:17

Mulluku aallota wi, ‘Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.