Yakobo 5:17 - Mawu a Mulluku

¹⁷ Namallotella Eliya aari muthu wonanko hiyaano nave aavekella moollipiha wi murimu ahirupe nave murimooyo khaarupalle va miyakha miraru ni hafu.

Yakobo 5:17 ပူးပေါင်းရင်းမြစ်များ

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Luka 4:25

“Ddawoona, kinimuulleellani wi mwaakhalla anaamukhwelle anchichi mu Israele m'mallaponi a namallotella Eliya, waramilliiwa murimu wa miyakha miraru ni miyeri mitthanu ni mmodda nave waakhalla ettalla yuullupalli mu ellapo ettheeneeyo.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

1 Mamwene 18:1

Viviralle mallapo manchichi, muyakha waneeraru wa ettalla, mawu a Apwiya yaawa wa Eliya wi, “Khawe waddoonihelle wa Ahabu. Kineeromurupiha murimu va ellapo yavatthi.”

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Mitteko 10:26

Nave Petro aamuvenyiha allota wi, “Venya, miyaanottho tti muthu.”

Aroma 11:2

Mulluku khaakhootille athwaaye ayo atthoonlleeye khalle. Ethiyo khamunadduwella mawu a Mulluku awi namallotella Eliya aamuveka Mulluku wi aallake Aisraele?