Yakobo 5:16 - Mawu a Mulluku

¹⁶ Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Yakobo 5:16 ပူးပေါင်းရင်းမြစ်များ

Miyambo 15:29

Apwiya ennaarekamella athu oonanara koma enniiwa mavekello a oolungama.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

1 Yohane 3:22

Erive ello ninavekeehu ninnaakhella kaambiiwa ninniiwellella malamulwaaye ni weera eyo enamuhakallalliha.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Mitteko 19:18

Ookhulupilila anchichi yaawa vamiitthoni va athu yaakhullellaka ni olapa machimo yeerilliiwa.

1 Atesalonika 5:17

Vekellani moohihiyerera.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Genesis 20:17

Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

2 Epilli 30:20

Nave Apwiya yaamwiiwa Hezekiya, yaachiriha athwaayo.

Numeri 11:2

Sika athu yahinllella wa Mose nave olliye aavekella wa Apwiya, enthawi yeeyo munllo waathiima.

Aheberi 12:13

Etakani m'misewuni ddaphaama, sika athu ookhwa meto ehivirellelle okhwa meto koma echirihiwe.

1 Atesalonika 5:25

Asinnihu ni arokorihu, munivekellelleke hiyaano.

Mateyu 3:6

Yaalapa machimwiiwa nave ahaabatiza athwaayo mu Yordani.

Aheberi 13:18

Munivekellelleke hiyaano naari nihikayikaka wi nookhalla ni ello yoonivaanya m'murimani mwahu vawi ninneeseesa weera ddittheddene mwa phaama.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Aroma 5:19

Vawi ohiiwellella wa muthu mmodda waheeriha wi athu anchichi ekhalle oochimwa, emoddamoddave yeeyo, athu anchichi eneerewaakhullelliwa ni Mulluku wi tti oolungama ekaamba ya wiiwellella wa muthu mmoddoolle.

Aroma 3:10

Mawu a Mulluku eni, “Khaavo muthu naari mmodda, ari oolungama

Yoswa 10:12

Vano Yoswa aallota ni Apwiya va nllapo nno yaavelleelliiwa Aamori m'mattani mwiwa. Vano aallota vamiitthoni va Aisraele wi, “We nndduwa, imella vaddullu va Gibiyoni, we mweeri, imella vaddullu va ntapo na Ayaloni.”

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Genesis 19:29

Mwawi Mulluku oonongeeye mizinda dda muntaponinnddo, yahuupuwella ovekella wa Abrahamu, sika aamuvullusa Loti va enthawi oonongeeye mizinda nndde mwakhalla Lotooyo.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

1 Mamwene 13:6

Mwene Yerobowamu aamulleella muthooyo wi, “Muvekelle wa Apwiya Mullukwaanyu wi achirihe nnatta nakanna.” Vano muthooyo aavekella wa Apwiya nave nnattanne naahokollweella mwakhalle.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

1 Samuele 12:18

Vano Samuele aavekella wa Apwiya nave Apwiya yaamurumiha murimu oowa ni ogugudeya nllapo nenno. Athu attheene yahoova wuullupalli, owoova Apwiya ni Samuele.

Eksodo 17:11

Mose atukhullella muddullu mattaaye, Aisraele yaanapambana ekhotweeyo koma akitthiha matta, Aamaleke sika yapambana.

Eksodo 9:33

Mose aavenyawo wa Farao wulle, akhuma m'muzindanimmo nave aavekella wa Apwiya. Vano ogugudeya wa murimu wulle ni marallallaalle ddaahiya navettho murimu aamwara.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Luka 9:6

Sika oohudderaalle yaatimulla yeeteeta m'mizi mutthemwene, ellalleyaka othenga waphaama nave yaachirihaka athu virive veko.

2 Samuele 19:19

Aamulleella mwenooyo wi, “Apwiya kikhululukelleni, muhinuupuwella yoonanara elle kaweerelleemini va nllaponne nyu apwiyaaka mwakhumenyu mu Yerusalemu mulle. Amwene muhinaddivittha ddenndda vatthi va murima.

1 Samuele 12:17

Ethiyo ella khehiyo ellimwe, enthawi yoomuhata tirigu? Koma kinapaalla kaaveke Apwiya wi emurupihe murimu oowa ni ogugudeya. Moona ddenndda mudduwelle wi ochimwa wanyu tti wuullupalli, voovekani wi mukhalle ni mwene.”

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.

Mariko 1:5

Athu attheene oovenyera o echigawo ya Yudeya ni muzinda wa Yerusalemu yaakhuma wi emwiiwe Yohane. Yaalapa machimwiiwa nave ahaabatiza athwaayo mu Yordani.

Mitteko 8:24

Simoni aallota wa Petro ni Yohane wi, “Kivekellelleni wa Apwiya wi ehikhallevo ello emodda ya ddeko ddenndda mullotilleenyunndda enaakeereyelle.”

1 Samuele 1:12

Hana aavekella mwawi ddiidda wa Apwiya enthawi yoorekama Eli amuwehaka vayanoni.