Yakobo 5:13 - Mawu a Mulluku

¹³ Ethiyo ookhallavo mmodda a nyuwaano ari mu ddoohoosa? Avekelle. Ethiyo ookhallavo mmodda a nyuwaano anahakallalla? Iipe ddoomutitimiha Mulluku.

Yakobo 5:13 ပူးပေါင်းရင်းမြစ်များ

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Yona 2:2

Aallota wi, “Nyu Apwiya, kaariimi mu mahame kaawiithanani, nave mwaakaakhulla. Mi vookhallani mu ellapo ya ookhwa kahinllella wa nyu wi mukikavihere, nave mwahaakhella nivekello naka.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Yona 2:7

Vawoonani murimaaka okitthellaka o mahame, kaawupuwellani nyu Apwiya, ollapella waka wahiiweya mu Enyumbaanyu Yaweella.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Mateyu 26:30

Yahiipa nchipo nave yaakhuma eya o mwaango wa Olivi.

Daniele 5:4

Yaamuwirya vinyo nngu etitimihaka milluku ddagolide, ddasiliva, ddamukuwa, ddamukoko, ddamuteekho ni ddamalluku.

Masalimo 118:5

Kaariimi moopaneya kaavekella wa Apwiya, alliwa yaakittaphulla.

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Yawuupullulla 7:10

Yaakhuwa ni mawu oowella wi, “Ovullusa sika wa Mullukwaahu oyo anakeraatthi vampandoni woomwene navettho wa mwaanaankhosa!”

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

Luka 23:42

Nave aallota wa Yesu wi, “Yesu, mwakuupuwelle mwawa muphiya mu omwenaanyu!”

Mika 4:5

Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

Masalimo 105:2

Wiipelleni machipo awaatitimiha, tthopoollani ddoottikhiniha ddiwa ddittheddene.

Masalimo 95:2

Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Yobu 33:26

Muthooyo avekella, Mulluku annaakhulla, annawa vamiitthoni va Mulluku moohakallalla nave Mulluku annamuhokollosella echilungamwaaye.

1 Epilli 16:9

Wiipelleni machipo awaatitimiha, tthopoollani ddoottikhiniha ddiwa ddittheddene.

Yesaya 65:14

Oorumeyellaaka eneerewiipa moohakallalla koma nyuwaano muneerewinlla wunchichi ekaamba yovoreyiwa murima. Muneerewinlla mookhuwa ekaamba ya yookatamihiwa m'murimani.

1 Akorinto 14:15

Vano kinaphwanella keere tini? Kineerovekella ni munepaaka nave kineerovekellattho ni maganizwaaka. Kineerewiipa ni munepaaka nave kineerewiipattho ni maganizwaaka.

Yakobo 5:10

Asinnaka ni arokoraka, upuwellani anamallotella ayo yaallotille mu nnddina na Apwiya. Muweere yaalla wonanko echisanzo ya ovillella naari mu ddoohoosa.