Yakobo 4:8 - Mawu a Mulluku

⁸ Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Yakobo 4:8 ပူးပေါင်းရင်းမြစ်များ

Masalimo 145:18

Apwiya eri vakhuviru ni attheene ayo enawiithana, ayo enawiithana mwawoona.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Malaki 3:7

Waambeella mallapo a makhollwaanyu khemwaawiiwellelle nave khemwaasungalle malamulwaaka. Hokollweellani wa miyaano nave kineerohokollweella wa nyuwaano. Kinallota tti miyaano Apwiya Amasiva Mattheene. Koma nyu munnakoha wi, ‘Ethiyo ninaahokollowe mwawiidde.’

Zekariya 1:3

Sika alleelle athu wi Apwiya Amasiva Mattheene eni hokollweellani wa miyaano nave kineerohokollweella wa nyuwaano.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Ezekiele 18:31

Tathillani ddoonanara ddanyu ddakhalle nnddo mwakichimwenlleenyuna. Mukhalle ni murima wanaanweene ni munepa wanaanweene. Nyu Aisraele munaakhwelle tini?

Masalimo 73:28

Koma okhalla vakhuviru ni Mulluku onnakiddivella, koosimikiza wi Apwiya Mulluku sika woothawella waka, kineerollalleya mitteko ddiwa ddittheddene.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Mateyu 12:33

“Muteekho wawunnuwa phaama onniimma ezipaso ddaphaama nave muteekho wohunnuwa phaama khoniimma ezipaso ddaphaama. Muteekho onadduwanyeya ni ezipaso ddiwa.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Masalimo 18:20

Apwiya yaakithuva moollikana ni echilungamwaaka, yaakidalisa moollikana ni ohichimwa waka.

Yakobo 1:8

vawi yoolla tti a mirima miilli ni ookayikella va ddeko ddittheddene aneereeye.

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Genesis 18:23

Enthawi yeeyo Abrahamu aawaatamella Apwiya nave aakoha wi, “Ethiyo wiiddiiddonko muneerewoononga athu oolungama ni oohilungama?

Yobu 16:17

Koma ngineereke ddeekuku, ovekella waka tti woolungama.

Mateyu 15:2

“Kaambiiwa tini oohudderaanyu kheniiwellella ehuddiho ya makhollwaahu?* Vawi yaachaka khenanawa moollikana ni ehuddihweella!”

Yeremiya 4:11

Enthaweeyo yaphiya athwaalla ni Yerusalemu eneerolleelliwa wi ephevo yooviha ennoopa wa alliwa ovenyera o echipululu. Ellathi khehiyo ephevo yooveethella apaalle yaweellihella ddeko.

Yobu 9:30

Kihapeve mwawiidde maaddi aweellesesa apaalle kihuwe mattaaka ni sopo,

Yesaya 13:15

Arive muthu anaaphwanyeye aneerohomiwa nave ari muthu anaaphariwe aneerewiiphiwa ni nsupada.

Masalimo 73:13

Miyaano koosunga murimaaka waweella, koonawa wooniha wi miyaano tti oohilakwa koma ddittheddenennddo khaddinna mutteko.

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

1 Samuele 14:35

Vano Saulo ahaamakella Apwiya nikuwa. Nna naari nikuwa naye nawaamba waamakella Apwiya.

Masalimo 119:113

Kinniitanana a mirima miilli, koma kinnakonda mawaanyu.

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Maliro 3:57

Nyuwaano mwaasusella vakhuviru kavekelleemi wi mukikavihere nave mwaallota wi, ‘Ohoove.’