Yakobo 4:7 - Mawu a Mulluku

⁷ Sika vano mwiivelleelle wa Mulluku. Mullipaneke ni Satana nave aneerewuuthawani.

Yakobo 4:7 ပူးပေါင်းရင်းမြစ်များ

Aefeso 4:27

Muhimuvahe Satana ekari yawi uuchimwiheni.

1 Petro 5:6

Sika, vano, mwiiyeviheke vatthi va nnattanatta namasiva na Mulluku wi awunnuwiheni mu enthawaaye yakwakhwana.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?

Aroma 10:3

Khenadduwella mmo Mulluku anaalungamihelleeye athu vamiitthoni vaye nave enathwara ettilla yayiwayayiwa; sika vano kheyaakhullelle ettilla ya Mulluku yowaalungamiha athu.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

2 Epilli 30:8

Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

1 Petro 2:13

Mwiiwellelleke olamulello ottheene wa athu ekaamba ya Apwiya naari Kaisara,* oolamulella muullupalli.

2 Samuele 15:26

Koma yaahihakallallana miyaano, yeere eyo enaaddivelle.”

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Masalimo 68:30

Humullullani enama yawoopiha yookhalla mu epango, enduna ni athwiiwa, ayo enakhalla wonanko mulloko wa anankhoro a eng'ombe owaaka asaanaang'ombe. Anyingallelleni ayo enapaalla makobiri moonanara apallalleseni athu ookonda ekhoto.

1 Samuele 3:18

Sika Samuele aamulleella ddittheddene nave khaakhuwalle erive ello. Eli aallota wi, “Yaayo sika Apwiya, yeere eyo enaaddivella.”

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

Aroma 14:11

Mawu a Mulluku enallota wi, “Apwiya enallota wi, ndithu kinimallupella wi, Nirive nikuttha nineerokikokhorella, arive muthu aneerewaakhullella wi miyaano tti Mulluku.”

Mitteko 26:19

“Nave sika mwene Agripa, ngaakhootille wiiwellella nnddo koonilleemi mu masomphenya.

Mitteko 9:6

“Koma venya wi wavollowe m'muzindanimmo nave eneerewuulleella yoophwanella wi weere.”

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Aefeso 6:13

Sika vano muware ddoowara ddawiitetezella ddittheddene nnddo muvahiweenyu ni Mulluku! Nllapo noonanara naphiya, muneerowora wiiteteza wa mudani nave mwamalliha owana, mukhallave oollipa.