Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yakobo 4:6 - Mawu a Mulluku

6 Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

အခန်းကိုကြည့်ပါ။ ကော်ပီ




Yakobo 4:6
34 ပူးပေါင်းရင်းမြစ်များ  

Koma anaddinnuwiha yeekhaaye aneeroyevihiwa nave aniiyeviha yeekhaaye aneerewuunnuwihiwa.


Alliwa ennaavevulla athu oovevulla koma annaweerella echifundo athu awiiyeviha.


Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”


Okota onnahoollella woonongeya koma wiiyeviha onnakhwaranya olemu.


Naari Apwiya tti avaddullu ennaapwatha athu oovevuwa, ennaadduwella athu awiitukhulla eri vuutete.


Wiitukhulla onnamuyeviha muthu koma a murima wawiiyeviha annariihiwa.


Yoothuviwa ya wiiyeviha ni owoova Apwiya tti eyuuma, olemu ni okumi.


Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”


Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.


Vawi Mulluku annaakitthiha awiitukhulla, koma annaavullusa awiiyeviha.


Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”


“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”


Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.


Ohaavenyiha mamwene vamipandoni ddiwa dda omwene, koma athu oovevuwa ohaawelliha.


Owoova Apwiya tti ohuddera ezeru nave wiiyeviha onnakhwaranya olemu.


Vano aariiye mu ddookatamiha, ahaaveka Apwiya Mullukwaaye wi emweerelle echifundo nave ahiiyeviha wunchichi vamiitthoni va Mulluku a makhollwaaye.


Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.


vawi murimaawo woolapa nave wohiiyeviha vamiitthoni va Mulluku, wiiwalleewe mawaaye oohumullulla nipuronna ni athwiiwa enakhallamo nave wohiiyeviha, wohaahulla ddoowara ddawo, wohinlla vamiitthoni vaka, sika kohiiwa ovekella wawo. Mi Apwiya koollota.


Koma Hezekiya ahiiyeviha ahiya wiitukhulla olliye ni athu ayo yakhalla mu Yerusalemu mwawi osha murima wa Apwiya khewaamorelle mu mallapo a Hezekiya.


Vawi muthu arina odduwella aneerovahiwa wawaanjerera sika aneerokhalla ni wawaata. Koma muthu oyo ahinna odduwella aneerewaakhiwa naari ong'onong'ono ariiyena.


Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.


Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”


“Kahuuhiya va enthawi yooyeva, koma kineerewuukusattho ni echikondi yoowallamella.


Vawi oohokollosella nikhame, annawuupuwella oohoosiwa, khanatiwalla winlla wiwa.


Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.


Mwiiyevihe nyookha vamiitthoni va Apwiya nave eneerowunnuwihani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ