Yakobo 4:4 - Mawu a Mulluku

⁴ Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Yakobo 4:4 ပူးပေါင်းရင်းမြစ်များ

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

Yohane 17:14

Kahaavaha mawaanyu. Nave athu a ellapo yavatthi yaawiita oohudderaaka kaambiiwa khenakhalla a ellapo ya vattheeyo wonanko miyaanottho nginakhalla a ellapo yavatthi.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Aroma 5:10

Naari adani a Mulluku koma nahaattanihiwa ni Mullukooyo oweella mu okhwa wa mwanaye. Sika vawi hiyaano nahaattanihiwa ni Mulluku, ndithu, okumi wa Khristu oneeronivullusa.

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

Hoseya 3:1

Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Mateyu 12:39

Koma Yesu aawaakhulla wi, “Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yona.

Masalimo 21:8

Aneerewaagonjiha adanaaye attheene, ni nnattanatta naye aneerewaaphara attheene awiitanana.

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Yesaya 57:3

Waani wuno nyu athu oochimwa vawi muri wonanko edduullu dda amasenga, ooraruwa ni oohule.

Masalimo 50:18

Wamoona mullupaawiiya onnatthattuwa mukhwaaye, oneeta ni athu a echigololo.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Ezekiele 16:32

We mutthiyana ooraruwa, waanakonda allopwana eelleto okhwaranya mamuno.

1 Akorinto 1:20

Sika vano, nndda ddinaaphiyihe wuuwi athu eezeru apaalle ahuddihi a malamulo* apaalle athu oodduwella ollota, ayo eri a ellapweella? Mulluku oheeriha wi ezeru dda athu a ellapweella ddikhalle ddookarangeya!

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.