Yakobo 4:11 - Mawu a Mulluku

¹¹ Asinnaka na arokoraka, muhillotellaneke ddoonanara. Oyo anallota ddoonanara dda ookhulupilila mukhwaaye apaalle omweeruza, anallotella ddoonanara moovaanyana ni malamulo komattho anaweeruza malamulo. Nave waweeruza malamulo, khorittho aweera malamulo koma aweeruza.

Yakobo 4:11 ပူးပေါင်းရင်းမြစ်များ

1 Petro 2:1

Vano hiyani ddoonanara ddittheddene, woottha, makhallello awoottha, ehache apaalle ollota ddoonanara.

Aroma 2:1

Vano nyuwaano munaweeruza amodda, ethiyo munaddeesa wi nyuwaano ttaani! Khamunna mawu oothawellavo vawi mwaaweeruzaka athu amodda koma nyuwaano muneerattho ddeko ddimoddave ddennddo eneeriiwa, munaddiipa mullatu nyookha.

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

Luka 6:37

“Muhiweeruzeke athu amodda nave Mulluku khaweeruzani, muhinawiipaka mullatu athu amodda nave Mulluku khawa awiipani, mwaakhululukelleke athu amodda nave Mulluku aneerewuukhululukellanittho.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Masalimo 140:11

Muhaakhullelle wi avayanoni akeraattheye mu ellapo, yoonanara emuthwareke muthu eekuku ophiyera emoonongille.

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.

2 Timoteo 3:3

Enaakhalle oohikonda, oohikhululukella, awoonjerera miyaha dda akhwiiwa, oohivillella, oowalli ni awiitana ni ddaphaama.

1 Timoteo 3:11

Awariwattho ekhalleke oovahiwa olemu, oohillota ddoonanara dda akhwiiwa, ekhalle awiihiiha ni oororomelleya mu ddittheddene.

Aroma 7:7

Vano ninaallote tini? Ethiyo ninaallote wi malamulo tti machimo? Khe ddiiddo! Koma malamulo yaariki ehikhallewo, ngaadduwelle machimo. Nave ngaadduwelle osilila malamulo yaariki ehillote wi, “Ohisilile.”

Aroma 2:13

Vawi khehiyo athu awiiwa malamulove enaalungamihiwe vamiitthoni va Mulluku koma ayo eniiwellella malamulwaayo.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

Tito 2:3

Waalleelle atthiyana awuulluvalla mwawi ddiiddattho wi makhallellwiiwa ekhalle aweella. Ehaalloteke akhwiiwa, ehilloteke ddoonanara dda akhwiiwa apaalle okhalla akaporo oowirya ottheka. Enapaalleya wi ehuddiheke ddaphaama,

Yakobo 1:16

Muhoottotthiweke asinnaka ni arokoraka ookondiwa.

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

Yakobo 5:7

Asinnaka ni arokoraka, villellani wonanko muthu oollima ophiyera owa wa Apwiya. Annatiyera wi ezipaso ddaphaama ddooneye m'matani mwaye. Annatiyera moovillella ophiyera ddirupelliwe ni murimu awaamba ni oomallihella.

Yakobo 5:10

Asinnaka ni arokoraka, upuwellani anamallotella ayo yaallotille mu nnddina na Apwiya. Muweere yaalla wonanko echisanzo ya ovillella naari mu ddoohoosa.