Yakobo 4:10 - Mawu a Mulluku

¹⁰ Mwiiyevihe nyookha vamiitthoni va Apwiya nave eneerowunnuwihani.

Yakobo 4:10 ပူးပေါင်းရင်းမြစ်များ

Masalimo 147:6

Ennaawelliha oonyingallelliwa, koma ennaakitthiha athu oonanara.

Mateyu 23:12

Koma anaddinnuwiha yeekhaaye aneeroyevihiwa nave aniiyeviha yeekhaaye aneerewuunnuwihiwa.

1 Petro 5:6

Sika, vano, mwiiyeviheke vatthi va nnattanatta namasiva na Mulluku wi awunnuwiheni mu enthawaaye yakwakhwana.

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Yobu 22:29

Vawi Mulluku annaakitthiha awiitukhulla, koma annaavullusa awiiyeviha.

Masalimo 113:7

Ennamuwelliha muthu oohoowa ovenyera onthupini, Ennamukhumiha oopaneya oddallani.

Luka 1:52

Ohaavenyiha mamwene vamipandoni ddiwa dda omwene, koma athu oovevuwa ohaawelliha.

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Masalimo 27:6

Kineerewaapambana adanaaka ookaapheella, kineerovelleella mukutho mu enyumbiiwa, kineerokhuwa ni ohakallalla, kineerewiipa ni waatitimiha Apwiya.

Masalimo 30:1

Kineerewuutitimihani, nyu Apwiya, vawi mookikhumiha ovenyera moowallamella. Khamwaakhullenlle wi adanaaka ehakallallelle ohoosiwa waka.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

Masalimo 28:9

Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

1 Samuele 2:7

Apwiya ennahoowiha nave ennavaha eyuuma, Ennaakitthiha athu vampandoni, ennaawelliha athu vampandoni.

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Yobu 5:11

Annaawelliha athu awiiyeviha, annaahakallalliha anaminlla.

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Ezekiele 21:26

“Mi Apwiya Mulluku kinallota wi, ‘Rulla enduwiraawo, rulla echipewaawo yoomwene. Ddittheddene ddoosintha! Ookittha waawellihe nave oowella waakitthihe.