Yakobo 4:1 - Mawu a Mulluku

¹ Ethiyo ekhoto ddinavenyera wuuwi? Okangana variyari vanyu onavenyera wuuwi? Ethiyo khaddinavenyera mu minkhella ddanyu nnddo ddinawana m'mwiillini mwanyu?

Yakobo 4:1 ပူးပေါင်းရင်းမြစ်များ

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Agalatiya 5:17

Vawi ddoopaalla dda omuthwaahu tti ddoovaanyana ni ddoopaalla dda Munepa nave ddoopaalla dda Munepa tti ddoovaanyana ni ddoopaalla dda omuthwaahu. Ddeko piilli ddenndda tti ddawiitana, sika khamuwora weera eyo munapaalleenyu weera.

Aroma 7:23

Koma kinnoona malamulo amodda mwa miyaano epharaka mutteko, malamulo oollipana ni malamulo awaakhullelliwa ni murimaaka. Malamulo yaalla yaakeeriha okhalla kaporo a malamulo a machimo ayo enaphara mutteko mwa miyaano.

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Yakobo 1:14

Koma athu attheene eneesiwa ni minkhella ddiwa ddoonanara nnddo ddinaakopa ni waaphara.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Tito 3:9

Koma oheerekena ovaanyana wookarangeya va ntthopoollo na manddina a makhollo ni okangana ni ovaanyana dda malamulo vawi ddenndda tti ddoohikhalla ni mutteko ni ddoohipinduliha.

Aroma 7:5

Vawi nalamulelliweehu ni omuthu, malamulo yaananeeriha wi nikhalle ni minkhella ddoochimwa. Minkhelanndda ddaanalamulella mwiillaahu muttheene oneeriha wi nikhwe.

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

2 Timoteo 2:23

Okhooteke ddoovaanyana ddookarangeya ni ddoohikhalla ni ezeru, valle onnadduwella wi ddinnaambiha okangana.