Yakobo 3:5 - Mawu a Mulluku

⁵ Naari nllumittho tti echiwalo eng'onong'ono koma ninniitukhulla wunchichi. Ngoonanittho wunnuwa wa otthako oyo onahelliwa ni mwanamunllo.

Yakobo 3:5 ပူးပေါင်းရင်းမြစ်များ

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

Miyambo 12:18

Ollota ddoonanara onnahoma wonanko nsupada koma nllumi na muthu eezeru ninnachiriha.

Miyambo 15:2

Nllumi na muthu eezeru ninnallota phaama nnddo ninadduwelliwa koma muwano mwa ookarangeya munnallota ddoolloddowa.

Masalimo 17:10

Ahummiha mirima ddiwa, ennallota mwawiitukhulla.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Yobu 22:17

Alliwa yaamulleella Mulluku wi, ‘Onivenyerevo. Ethiyo Amasiva Mattheene ttuuneerella tini?’

Eksodo 15:9

Mudanoolle aallota wi, ‘Kineerewaathwara nave kineerewaaphara, kineerokawa eyuumiiwa nave murimaaka oneerokwakhwanihiwana, kineerokhumiha nsupada nave kineerowoononga ni nnatta naka.’

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Ezekiele 29:3

Omulleelle wi mi Apwiya Mulluku kinallota wi, ‘We mwene a o Iguputo kiri mudanaawo. Ori wonanko ekonya yookonaatthi m'muhinjeni voollotani wi muhinje wa Nailo tti waawo, wawuphatusalle tti weyaano.’

Eksodo 5:2

Koma Farao ahaakhulla wi, “Ethiyo Apwiyaayo ttaani wi miyaano ttuuwiiwellella ddennddo ni owaakhullella Aisraele wi evenyemo? Apwiyaayo nginaadduwella nave ngiwa kaakhullella wi Aisraelaayo evenyemo.”

Masalimo 39:1

Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.

Miyambo 26:20

Vaahikhalla ekhuni munllo onnathiima nave vaahikhalla anamullota okangana khonavirellella.

Yakobo 3:4

Onani esitima ddam'maaddini. Naari tti dduullupalli navettho ddinakakhiwa ni ephevo ddamasiva, ddinookollelliwa ni yawookollella eng'onong'ono, orive weko anapaalleeye mullupa awookollella.