Yakobo 3:18 - Mawu a Mulluku

¹⁸ Nave echipaso ya echilungamo ennamiddiwa mwamurendelle wi yaapindulelle ayo eneera murendelle.

Yakobo 3:18 ပူးပေါင်းရင်းမြစ်များ

Mateyu 5:9

Oodalisiwa tti ayo enawiiha murendelle, vawi Mulluku aneerewaaromolla wi anaaye.

Hoseya 10:12

Mumidde echilungamo nave muneerohata echikondaaka yoohisintheya. Tipulani ntthalla nanyu vawi enthawi yoowaashaasha Apwiya yookwakhwana. Waashaasheni Apwiya ophiyera ewiille wi emurupihe murimu amadaliso.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Agalatiya 6:8

Vawi ayo enamidda m'matani mwa minkhella dda omuthwiiwa, eneerotthukumaniha ddoohata dda okhwa; yamidda m'matani mwa munepa ovenyera wa munepa yooyo eneerotthukumaniha yoohata ya okumi woohimalla.

Miyambo 11:30

Echipaso ya echilungamo tti muteekho wa okumi nave awaakopa athu tti eezeru.

Aheberi 12:11

Muthu aallakiwaka, wa olliyooyo anoona wonanko ddoomoriha ethakaraka nave ddoohihakallalliha. Koma athu yallelliwe mwawi ddiidda vatulli viwa ennaakhella ezipaso dda okhalla mwamurendelle ni moolungama.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Yakobo 1:20

Vawi osha murima wa muthu khonahoollella o echilungamo ya Mulluku.

Yohane 4:36

Oohata annallivelliwa nave annatthukumaniha ezipaso o okumi woohimalla. Vano awaalla ni oohata eneerohakallalla vamodda.

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Miyambo 11:28

Oororomella eyuumaaye aneeromora koma athu oolungama eneerophuwa wonanko makukhu.

Masalimo 92:14

Ennimma ezipaso naari dduulluvanlle enthawi ettheene ennaddalliwa ni maaddi ennarimbellella,