Yakobo 3:17 - Mawu a Mulluku

¹⁷ Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Yakobo 3:17 ပူးပေါင်းရင်းမြစ်များ

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

1 Yohane 3:18

Anaaka, echikondaahu ehikhalleke ya mawuve ni ddoollotave koma enaphwanella ekhalleke echikondi yawoona, eyo enooneya ni ddaweereya.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Mateyu 5:8

Oodalisiwa tti ayo eri aweella murima, vawi eneeromoona Mulluku!

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Luka 6:36

Mukhalle a echifundo wonanko Attiitthaanyu ayo eri a echifundo.”

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

2 Timoteo 2:24

Nave oorumeyella a Apwiya ahikhalleke ookangana ni athu koma akhalleke ooreera murima wa athu attheene, oodduwella ohuddiha, oovillella,

1 Petro 2:1

Vano hiyani ddoonanara ddittheddene, woottha, makhallello awoottha, ehache apaalle ollota ddoonanara.

Yakobo 2:4

Weera ddiiddo, wenkothi tti okondella variyari va nyookha nave echiweruzwaanyu enavenyera m'maganizoni oonanara.

Aheberi 12:11

Muthu aallakiwaka, wa olliyooyo anoona wonanko ddoomoriha ethakaraka nave ddoohihakallalliha. Koma athu yallelliwe mwawi ddiidda vatulli viwa ennaakhella ezipaso dda okhalla mwamurendelle ni moolungama.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Aroma 15:14

Akhwaakanyu, miyaano kinnasimikiza wi nyuwaano tti aphaama wunchichi, nyuwaano tti athu oodduwella wunchichi navettho munnawora ohuddihana.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

1 Epilli 22:12

Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.

1 Akorinto 12:8

Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

Yobu 28:23

“Mulluku sika anadduwella ettilla ya ezeru, annanidduwellattho nipuro niwa.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.

Mitteko 11:24

Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

Mateyu 23:28

Emoddamoddave yeeyo nyuwaano munooneya wonanko athu aweera echilungamo vamiitthoni va athu koma muwari mooddalla ni woottha ni ddoonanara.

1 Atesalonika 2:7

Naari wonanko amurummwa a Khrisitu, naakhalla ni masiva awuulamulani. Koma nahiithaalla naariihu ni nyuwaano, wonanko moowe anawuupaarelleeye anaaye.

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Mitteko 9:36

Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Malaki 3:3

Nave eneeroowa wi yeeruze wonanko aweeka ni oomweelliha siliva. Aneereweelliha edduullu dda Levi ni oweeka wonanko golide ni siliva sika wi evelleelleke mikutho ddoophwanellella wa Apwiya.

Malaki 2:9

Ekaamba yawi khemwaasungalle mawaaka nave munahuddiha mawaaka mooweha ekhove kineeroweeriha Aisraele wi yuunyaambuseni.”

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.

1 Mamwene 3:9

Sika mukivahe mi oorumeyellaanyu murima woodduwella waalamulella athwaanyu wi kidduwelleke ohiyaniha yaphaama ni yoonanara. Vawi kinaawore mwawiidde waalamulella athwaalla?”

Eksodo 36:2

Vano Mose aawiithana Bezalele, Oholiyabu ni athu eeruso attheene ayo Apwiya yaavahilliiwa ezeru nave yapaallille ni murimiiwa muttheene okavihera.

Tito 3:2

Waalleelle wi ehilloteke epewe koma ekhalleke amurendelle ni awaattaneya nave yooniheke omaalleya wa athu attheene.

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Aroma 12:18

Wakhalla wooworeya, mweeseeseke okhalla mwamurendelle ni athu attheene.

Yesaya 32:6

Ookarangeya anallota ddookarangeya nave anaganiza ddoonanara. Ddaweera ni ddoollota ddaye tti ddawaanyaambusa Apwiya. Olliye khanaachiha eettalla nave khanaavaha maaddi anthona.

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

1 Epilli 22:9

Kaapelle maaru, oneeromuyara mwaana aamullopwana. Anaakhalle muthu amurendelle. Kineeroweeriha adanaaye attheene oomwaapheella wi ehiwanekena. Nnddina naye ninaakhalle Solomoni nave kineeromuvaha Israele murendelle ni omaalleya mu olamulellwaaye ottheene.

1 Mamwene 3:28

Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.

1 Mamwene 3:12

sika kineeroweerella nnddo ovekilleewe. Kineerewuuvaha ezeru ni odduwella wawi khanooneyeke muthu oophwanaphwana ni weyaano navettho khawa ooneya mmodda oophwanaphwana ni weyaano vatulli vawo.

Aefeso 5:9

vawi owala sika oneeriha ddaphaama, echilungamo ni yawoona.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

2 Akorinto 9:10

Nave Mulluku oyo anavaha mmiddo wi omiddiwe ni yoocha wi echiwe, aneerewuuvahanittho mmiddo muttheene munapaalleenyu nave aneerewunnuwiha ni wimmiha ddoohata ddinchichi ekaamba ya woollowa matta wanyunko.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Yobu 28:12

Koma ezeru ttuuphwanyeya wuuwi? Nave nipuro na odduwella niri wuuwi?”

Mateyu 5:9

Oodalisiwa tti ayo enawiiha murendelle, vawi Mulluku aneerewaaromolla wi anaaye.

2 Akorinto 6:6

Koma hiyaano nohooniha wi tti oorumeyella a Mulluku vookhallani aweella murima, eezeru, oovillella ni ooreera murima, vookhallani ni Munepa Waweella ni echikondi yawoona,

2 Akorinto 7:11

Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

1 Petro 2:18

Allupa mutteko nyu, muwiiwellelleke apwiinyu nave mwaavaheke olemu wunchichi, ohiri wa yaayove ooreera murima ni oomaalleya komattho oowalli.