Yakobo 3:13 - Mawu a Mulluku

¹³ Ttaani a nyuwaano ari ni ezeru ni wiiwesesa? Oonihe ddenndda ni makhallellwaaye aphaama nave mitteko ddaye mu ezeru ddoomaalleya.

Yakobo 3:13 ပူးပေါင်းရင်းမြစ်များ

Agalatiya 5:23

omaalleya ni wiihiiha. Kheyiivo malamulo enavaanya ddeko wonanko ddenndda.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Mateyu 5:5

Oodalisiwa tti athu ayo eri oomaalleya, vawi Mulluku aneerewaavaha ellapo yavatthi wi ekhalle yayiwa!

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Tito 3:2

Waalleelle wi ehilloteke epewe koma ekhalleke amurendelle ni awaattaneya nave yooniheke omaalleya wa athu attheene.

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

1 Timoteo 6:11

Koma weyaano muthu a Mulluku, thawa ddenndda nave othware echilungamo, omutitimiha Mulluku, echikhulupililo, echikondi, ovillella ni omaalleya.

Yakobo 2:18

Koma muthu mmodda annallota wi, “Muthu mmodda ookhalla ni echikhulupililo nave mmodda ookhalla ni mitteko. Vano koonihe miyaano echikhulupililo yoohikhalla ni mitteko nave miyaano kineerowooniha echikhulupililwaaka yoovenyera m'mittekoni mwaka.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yakobo 1:21

Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.

Oollalleya 8:1

Ttaani anaaphwanaphwane ni muthu eezeru? Ttaani anaadduwelle ottaphullella ddeko? Ezeru ddaye ddinnamuhakallalliha nave ddinnawaliha ekhovaaye.

Masalimo 107:43

Oyo ari ni ezeru iiwesese ddenndda, athu eganizelle dda echikondi yoohisintheya ya Apwiya.

1 Timoteo 4:12

Muthu ahuuvevulle kaambiiwa ori musombwe koma okhalle echisanzo wa yaayo enakhulupilila, mu mawaawo, mu makhallellwaawo, mu echikondaawo, mu echikhulupililo ni mu weella murima wawo.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Yakobo 3:1

Asinnaka ni arokoraka, anchichi a nyuwaano muhikhalle ahuddihi kaambiiwa hiyaano ahuddihi nineereweeruziwa mookhwaranya athu amodda.

Aefeso 4:2

Enthawi ddittheddene mukhalleke oomaalleya, awiiyeviha ni oovillella. Mooniheke echikondaanyu voollevana.

Agalatiya 6:4

Arive muthu anaphwanella eeseke makhallellwaaye. Yakhalla aphaama sika akotelleke mitteko aphanreeye yeekha, voohiphwanaphwanihani ni mitteko aphanre mmodda.

Agalatiya 6:1

Asinnaka ni arokoraka, mmodda aphwanyiwa achimwaka, nyuwaano mwaakhenlle Munepa Waweella munaphwanella mumuhumullulle mwawiithaalla. Koma mwiiwehereke weekhiinyu wi nanyeenettho muheesiwe.

2 Akorinto 8:24

Sika moonihe echikondaanyu wa alliwaayo wi mipingo ddittheddene ddisimikize dda yeella ni odduwella wi ninnallota ddawoona nawuukotellakani.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Yeremiya 9:12

Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Numeri 12:3

Mose aari awiiyeviha omukhwaranya arive muthu va ellapo yavatthi.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.

1 Akorinto 6:5

Muwulliwe muru! Ethiyo vookhalla muthu mmodda eezeru variyari vanyu oyo anaawore weeruza mullatu variyari va ookhulupilila?

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Yesaya 60:6

Mulloko wa ekamira* oneerewuuhuruwella, ekamira dding'onong'ono dda o Midiyani ni o Efa. Attheene a o Sheba eneeroowa, emukusalle golide ni lubani,* eneerewaatitimiha Apwiya moowelliha mawu.

Oollalleya 8:5

Oowiiwellella malamulwaaye khenna erive yookatamiha. Muthu eezeru annadduwella enthawi ni ettilla yaweerella ddeko ddittheddene.

Masalimo 45:4

Oneyani mu oriiheya wanyu, muteteze yawoona, wiiyeviha ni echilungamo, nnatta nanyu noonihe mitteko ddanyu ddawoopiha.

Masalimo 25:9

Ennaahoollella awiiyeviha weera ddoolungama, ennaahuddiha ettilla ddiwa.

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

1 Petro 1:15

Nave mukhalleke aweella murima mu ddeko ddittheddene muneereenyu vawi Mulluku oyo awiithanilleni tti aweella.

Masalimo 122:8

Ekaamba ya abalaaka ni akhwaaka kineerollota wi, “Murendelle okhalle muwari mwawo.”