Yakobo 2:8 - Mawu a Mulluku

⁸ Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

Yakobo 2:8 ပူးပေါင်းရင်းမြစ်များ

Levitiko 19:18

Muhinahokollosella ddoonanara nave muhinaananariwella akhwiinyu koma mumukondeke mmodda wonanko mmo muniikondelleenyu nyookha. Mi tti Apwiya.

Agalatiya 5:14

Vawi malamulo mattheene enakwakhwanihelliwa va lamulo nimodda nawi, “Omukondeke mukhwaawo wonanko mmo oniikondelleewe weekha.”

Yakobo 2:12

Llotakani nave erakani wonanko athu ayo enaaweeruziwe ni malamulo oottaphulla.

Mateyu 22:39

Naneepiilli nuullupalli moophwanaphwana tti nna, ‘Waakondeke akhwaawo wonanko mmo oniikondelleewe weekha.’

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

Yona 4:4

Apwiya yaamwaakhulla wi, “Ethiyo weyaano ori ni tini yooshella murima?”

2 Mamwene 7:9

Sika yahaamba otakhellana wi, “Nineereehunndda khe ddaphaama. Ollello sika nllapo na othenga waphaama. Neera ellapo tuu ophiyera osiisello nineerollakiwa. Sika vano hankoni nalleelle enduna dda mwene.”

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.

Afilipi 4:14

Komave mwaheera phaama okikavihera va ddookatamiha ddaka.

Mateyu 25:23

Apwinnyaalle yaallota wi, ‘Woheera phaama, we mullupa mutteko aphaama ni oororomelleya, vawi waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Yona 4:9

Koma Mulluku aamwaakhulla Yona wi, “Ethiyo weyaano ori ni tini yooshella murima?” Navettho Yona aawaakhulla Apwiya wi, “Ee kinanariwelle ddawoona. Vawi onanariwa wene ttiwookhwana.”

1 Mamwene 8:18

Koma Apwiya yahaalleella attiitthaaka Davide wi, ‘Waaganiza phaama voomakellani enyumba nnddina naka.

Yakobo 2:19

Weyaano onnakhulupilila wi Mulluku tti mmoddave, onneera phaama. Naarithi minepa ddoonanara ddinnakhulupililattho nave ddinnatthukumella.

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 7:12

“Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Aroma 13:10

Waawakondaka akhwaawo khoweerella yoonanara. Sika oyo anamukonda mukhwaaye ookwakhwaniha malamulo.

Yakobo 4:11

Asinnaka na arokoraka, muhillotellaneke ddoonanara. Oyo anallota ddoonanara dda ookhulupilila mukhwaaye apaalle omweeruza, anallotella ddoonanara moovaanyana ni malamulo komattho anaweeruza malamulo. Nave waweeruza malamulo, khorittho aweera malamulo koma aweeruza.