Yakobo 2:18 - Mawu a Mulluku

¹⁸ Koma muthu mmodda annallota wi, “Muthu mmodda ookhalla ni echikhulupililo nave mmodda ookhalla ni mitteko. Vano koonihe miyaano echikhulupililo yoohikhalla ni mitteko nave miyaano kineerowooniha echikhulupililwaaka yoovenyera m'mittekoni mwaka.”

Yakobo 2:18 ပူးပေါင်းရင်းမြစ်များ

Yakobo 3:13

Ttaani a nyuwaano ari ni ezeru ni wiiwesesa? Oonihe ddenndda ni makhallellwaaye aphaama nave mitteko ddaye mu ezeru ddoomaalleya.

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

Yakobo 2:14

Asinnaka ni arokoraka, yoophuravo tti tini, muthu allota wi, “Kookhalla ni echikhulupililo,” koma ahinna mitteko. Ethiyo echikhulupililo yeeyo ttuuwora omuvullusa?

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Tito 2:7

Weyaano okhalleke echisanzo ya makhallello aphaama mu ddittheddene. Ehuddihwaawo ekhalleke yawoona navettho ohuddiheke moolemu.

Aroma 14:23

Koma oyo anakayikella ello anacheeye, Mulluku annamweeruza aachaka ello yeeyo kaambiiwa khenre ello yeeyo ni echikhulupililo. Nave erive ello ehineeriwa ni echikhulupililo, tti machimo.

Aheberi 11:31

Ekaamba ya echikhulupililo, Rahabu, hule khaawiiphiwe vamodda ni athu oohiiwellellaalle vawi aawaakhella phaama owaniwa Aisraele ayo yawiille wi ezonde muzindooyo.

Aheberi 11:33

Ekaamba ya echikhulupililo, athu awi ddiidda yaagonjiha moomwene, yaheera echilungamo, yahaakhella eyo Mulluku alonjezilleeye nave yaawalla eyano dda mikango.

Aheberi 11:6

Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

Aroma 3:28

Vawi ninamalliha ni wi muthu analungamihiwa oweella mu echikhulupililove nave ohiri vawiiwellellani malamulo.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Aroma 4:6

Davide aallotattho dda madaliso enawa wa athu ayo Mulluku anawaakhullelleeye wi tti oolungama ohiri ekaamba ya mitteko ddiwa wi,

Aroma 9:19

Nave mmodda a nyuwaano ttuullota wa miyaano wi, “Ddaarimi ddiri ddiiddo kaambiiwa tini Mulluku anamwiipelleeye mullatu muthu? Vawi ttaani anaakhoote opaalla wa Mulluku?”