Yakobo 1:5 - Mawu a Mulluku

⁵ Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Yakobo 1:5 ပူးပေါင်းရင်းမြစ်များ

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

2 Epilli 1:10

Vano mukivahe ezeru ni odduwella wi kaahoollelle phaama athwaanywaalla vawi vaahikhalla ezerunnddo ttaani anaawore waalamulella athwaanyu awaata ddiiddaalla?”

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Yohane 14:13

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

1 Yohane 3:22

Erive ello ninavekeehu ninnaakhella kaambiiwa ninniiwellella malamulwaaye ni weera eyo enamuhakallalliha.

Eksodo 31:3

Olliyoolla koomuvaha munepaaka mwawi ookhalla ni eruso, ezeru ni odduwella phaama mitteko ddittheddene ddeeruso monga

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Eksodo 31:6

Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

1 Epilli 22:12

Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Mateyu 11:20

Athu a m'matawoni mmo Yesu eereeye ddoottikhiniha ddinchichi yaari oohirukunuwa murima, sika ahaamba waahumullulla.

2 Akorinto 2:16

Wa ayo ehinaavullusiwe, tti wunkha wawiipha. Koma wa ayo enaavullusiwe, tti nthuko naphaama noovaha okumi. Khaya vano ttaani anaawore mutteko yoolla?

Mariko 16:14

Vatulli viwa ahooneya wa oohuddera khumi ni mmoddaayo mvo yachiiwa. Ahaahumullulla ekaamba yoohikhulupilila ni wumma murima wiwa voohaakhulupililani ayo yamonne avenyille wa ookhwa.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Miyambo 8:17

Kinnaakonda ayo enakikonda, ookaashaasha ennakiphwanya.