Yakobo 1:4 - Mawu a Mulluku

⁴ Ovillella wonngu waapharaka muttekwiiwa phaama muneerowaraalla wunchichi mu echikhulupililo ohirama erive ello.

Yakobo 1:4 ပူးပေါင်းရင်းမြစ်များ

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Luka 21:19

Kaambiiwa mwavillella muneerewaakhella okumi woohimalla.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

2 Timoteo 3:17

wi muthu oomurumeyella Mulluku akhalle oophwanellella ni ookhozeka weera mitteko ddittheddene ddaphaama.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

Masalimo 40:1

Kahaatiyerella Apwiya ni murimaaka muttheene wi ekikavihere, yaawaramella vatthi ekiweha, yiiwa winlla waka.

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

1 Akorinto 2:6

Nave kinallalleya othenga wa ezeru wa athu oowaraalla m'munepani. Nave khe ezeru ya ellapo yavattheella apaalle ya oolamulella a ellapweella, ayo masiviiwa enamalla.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

Luka 8:15

Koma mmiddo wamorenlle va ethaya yaphaama onaphwanaphwana ni athu ayo yiiwalle mawu a Mulluku nave enaasunga m'murimani woororomelleya ni waphaama. Enallipihella ophiyera yimmalle ezipaso.”

Mateyu 10:22

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Miyambo 4:8

Oyiriihe nave eneerewuuwelliha. Oyikhupaarelle nave eneerewuuvaha eyuuma.

2 Petro 1:9

Koma ayo ehinna ddenndda tti oohoonesesa apaalle oohoona nave aatiwalla wi machimwiiwa akhalle aakhululukiwa.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mariko 10:21

Yesu aamuwehesesa moomukonda allota wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Mateyu 19:20

Musomboolle ahaakhulla wi, “Malamulo mattheenaalla kaawiiwellella, ekiyelleellettho tti tini?”

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.