Yakobo 1:26 - Mawu a Mulluku

²⁶ Muthu mmodda addeesa wi tti oomullapella Mulluku, ahinamaka nllumi naye, omullapella waye Mulluku tti woohikhalla ni mutteko nave aniilleka yeekhaaye.

Yakobo 1:26 ပူးပေါင်းရင်းမြစ်များ

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Masalimo 141:3

Nyu Apwiya, mumuhiye mulonda vayanoni vaka, muwehere va mullako wa eyano ddaka.

1 Petro 3:10

Mawu a Mulluku enallota wi, “Ayo enapaalla okhalla oohakallalla ni okhalla mallapo manchichi, nllumi niwa nihilloteke ddoonanara, vayanoni viwa vihikhumeke ddoolleka.

Aefeso 5:4

Navettho khe waphaama wi mulloteke ddoollava, dda etthiru apaalle woopa miyaha dda oraruwa koma munaphwanella mumuthokozeke Mulluku.

Miyambo 19:1

Muthu oohoowa oororomelleya annamukhwaranya awoottha ookarangeya.

Masalimo 34:13

Sika nllumi nawo nihilloteke ddoonanara, vayanoni vawo vihikhumeke ddoolleka.

Miyambo 10:31

Muwano mwa oolungama munnallota ddeezeru koma nllumi nookhoromana nineerophaddiwa.

Miyambo 10:19

Waanjera ollota ddoolakwa ddinnaata koma oyo anasunga eyano tti eezeru.

Akolose 4:6

Mawaanyu ekhalleke aphaama wonanko mwiinyu wi mudduwelleke omwaakhulla arive muthu enthawi ddittheddene.

Yakobo 1:22

Iwellellani ni weera mawaaye, muhiilleke nyookha vawiiwanive mawaayo.

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Miyambo 16:25

Vookhalla ettilla emodda enooneya wonanko yaphaama wa muthu koma mamallihellwiiwa tti okhwa.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Agalatiya 6:3

Vawi mmodda aaganizaka wi olliye tti oopaalleya koma ahiri oopaalleya, aniilleka yeekhaaye.

Miyambo 14:12

Vookhalla ettilla emodda enooneya wonanko yaphaama wa muthu koma mamallihellwiiwa tti okhwa.

Deuteronomo 11:16

Muchenjere nave muhikuseye murima ni orukunuwella wa milluku ddimodda wi muddillapelleke ni oddirumeyella

Agalatiya 2:6

Amodda a yaayo yooneya wi tti ooholleella, khaya yaari awi ddiidda apaalle iyaayi, miyaano nginnana mutteko vawi Mulluku khanamweeruza muthu moollikana ni mooneyellwaaye. Oohoollella yaayo kheyakivekille wi koonjerere erive ello va othenga kallalleyeemi.

Mariko 7:7

Khaddinna mutteko wi ekillapelleke, kaambiiwa enahuddiha malamulo a athu wonanko tti malamulwaaka.’

Yesaya 44:20

Muthooyo anakhalla wonanko anacha ntuura, maganizwaaye ookarangeya ennamuhollosa wawi khaworattho ovullusa okumaaye. Khaworattho wiikoha yeekha wi, “Ethiyo ello eri m'mattani mwakammu khehiyo yawoottha?”

Miyambo 21:26

Muthu oonanara annakuseya murima nllapo nittheene koma oolungama annavaha nave khanuumellella.

1 Akorinto 15:2

Muneerovullusiwa ni othenga waphaama oyo kallalleyeemi mwawuphara moollipiha. Ddaahikhalla ddiiddo sika echikhulupilwaanyu tti yoohikhalla ni mutteko.

Mateyu 15:9

Khaddinna mutteko wi ekillapelleke, kaambiiwa enahuddiha malamulo a athu wonanko tti malamulwaaka.’ ”

Malaki 3:14

Moollota wi, ‘Tti ddoohikhalla ni mutteko omurumeyella Mulluku. Ethiyo ttuuphuravo tini voothwarani malamulo a Apwiya Apwiya Amasiva Mattheene apaalle vawoonihani ethakaraka vamiitthoni viwa?

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

1 Akorinto 15:15

Ovirellella yeeyo, ninnooniwa wi ninnoottha dda Mulluku kaambiiwa naavelleella omboni wi aamuvenyiha Khrisitu wa ookhwa. Nave ddakhalla ddawoona wi athu ookhwa khenavenyihiwa, vano Mulluku khaamuvenyihalle Khrisitu.

Miyambo 16:10

Muwano mwa mwene munnallohella nave khamunalakwiha vookamullani mullatu.

Miyambo 15:2

Nllumi na muthu eezeru ninnallota phaama nnddo ninadduwelliwa koma muwano mwa ookarangeya munnallota ddoolloddowa.

Masalimo 32:9

Muhikhalle athu ookarangeya wonanko kavalo apaalle bulu, oyo anookollelliwa ni mukoko wa muwano owaaka mukwe va muru, kaambiiwa waaheera ddiiddo khiiwellella.

Yakobo 2:20

Ethiyo onnapaalla omboni wawi echikhulupililo yoohikhalla ni mitteko khenna mphuro, muthu ookarangeya we?

Agalatiya 3:4

Ethiyo ddeko ddittheddene ddeereyille wa nyuwaano khaddinna mutteko? Khe ddiiddo!

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

Yobu 15:13

Ethiyo onamuwukilella tini Mulluku, onamuvevullella tini ni eyanwaawo?

Yobu 30:11

Ekaamba yawi Mulluku aakifookiha ni okivevulla, aakirukunuwella mookishella murima wunchichi.