Yakobo 1:21 - Mawu a Mulluku

²¹ Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.

Yakobo 1:21 ပူးပေါင်းရင်းမြစ်များ

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Masalimo 25:9

Ennaahoollella awiiyeviha weera ddoolungama, ennaahuddiha ettilla ddiwa.

1 Petro 2:1

Vano hiyani ddoonanara ddittheddene, woottha, makhallello awoottha, ehache apaalle ollota ddoonanara.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Tito 2:11

Vawi echisomo ya Mulluku yohooneya wi yaavulluse athu attheene.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Aheberi 4:2

Vawi othenga waphaama waallalleyiwa wa hiyaano wonanko wallalleyiwelliiwa wa alliwaayo koma othenga wallalleyiwooyo kheyaaphurallena ello kaambiiwa kheyaawaakhenlle ni echikhulupililo.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

1 Akorinto 15:2

Muneerovullusiwa ni othenga waphaama oyo kallalleyeemi mwawuphara moollipiha. Ddaahikhalla ddiiddo sika echikhulupilwaanyu tti yoohikhalla ni mutteko.

Aroma 6:17

Koma Mulluku athokoziwe! Vawi naari khalle mwaari akaporo a machimo, mohiiwellella ni murimaanyu muttheene yawoona ya ehuddiho eyo munathwareenyu moohiyavo murima.

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Yesaya 30:22

Vaavo muneerokusa mafanwaanyu, mamodda oohuruwelliwa ni siliva nave amodda ni golide nave muneerewaatathilla wonanko ekattha voollotani wi, “Ddivenyevo ddenndda.”

Yesaya 2:20

Nllapo nenno athu eneeromutathillella nahuwo ni mullema mafanwiiwa a siliva ni a golide ayo yiipotokoselliiwa wi yaallapelleke.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

1 Petro 1:9

kaambiiwa munnaakhella ovullusa wa okumaanyu, eyo eri yoolinga ya echikhulupilwaanyu mwa yooyo.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Mitteko 10:33

Sika kaawiithanani enthawiine yeeyo nave moheera phaama wi moowa. Vano attheenehi niri wuno vamiitthoni va Mulluku, otiyera wi niiwe erive ello Apwiya yuulamunlleewani wi munilleelle.”

Mateyu 5:5

Oodalisiwa tti athu ayo eri oomaalleya, vawi Mulluku aneerewaavaha ellapo yavatthi wi ekhalle yayiwa!

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Ezekiele 18:31

Tathillani ddoonanara ddanyu ddakhalle nnddo mwakichimwenlleenyuna. Mukhalle ni murima wanaanweene ni munepa wanaanweene. Nyu Aisraele munaakhwelle tini?

1 Atesalonika 1:5

Vawi naahuukusellani othenga waphaama, ohiri ni mawuve navettho ni masiva ni Munepa Waweella navettho moohikayikella yawoona. Munnadduwella mmo napaallelleehu wuukaviherani nakhalleehu ni nyuwaano.

Aefeso 5:4

Navettho khe waphaama wi mulloteke ddoollava, dda etthiru apaalle woopa miyaha dda oraruwa koma munaphwanella mumuthokozeke Mulluku.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Yakobo 5:20

mudduwelle wi arive muthu oyo anamuhokollosa oochimwa mu ettillaaye yoohollowa, aneerovullusa okumi wa muthooyo wuukhwaani nave machimo manchichi eneerokhululukelliwa ekaamba ya olliyooyo.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.